Gold Mametja
[Sefoka sa Mapungubwe, Baobab, Companions sa OR Tambo, Luthuli, Mendi ya Bogale]
Gold Mametja o na le leina la mahlatse leo le hlalosago ditalente tša gagwe. Ditlhamo tša gagwe di kgethilwe gareng ga tše dingwe tše ntši tšeo di tlišitšwego morago ga gore GCIS e meme babetli ba jewellery go tliša ditlhamo tša bona tša Difoka tša Bosetshaba tše mpsha.
Taodišo ya bophelo bja gagwe ke lenaneo le le telele la diphihlelelo go tloga mola a tlogago Technikon Witwatersrand. Tšona di akaretša molokoloko wa ditlhamo tša dikhamphani tša Afrika Borwa go akaretšwa dipapetla tša gauta tša go keteka Comrades Marathon.
Monna yo wa go bolela ka go iketla le go ikokobetša, o nagana gore go šoma ka Difoka tša Bosetšhaba e bile: 'Selo se se kaonekaone se se kilego sa mo diregela. Ka go no ntumelele go betla ditlhamo tše, ke tlhompho e kgolo yeo naga ye e ka mphago yona'. Mametja o šoma bjalo ka ‘industrial designer’ go CSIR ka Pretoria. O dula Kempton Park le mosadi le bana ba bona ba babedi.
Gareth Smart
[Orders of Ikhamanga]
Gareth Smart o itšhupile bjalo ka mohlami wa maemo mafapheng a go fapafapana go tloga mola a phethago Grada ya BA Degree ya Graphic Design kua Midrand Graduate Institute. Bokgoni bja gagwe bo ikepetše kudu go 3D Multimedia. Mešomo ya gagwe e bontšha gore o šomile kudu le diklaente tša dikhamphani mo nakong e kopana.
Go yena e bile ‘sebaka sa bophelo’ go kgethwa gore a hlame Sefoka sa Bosetšhaba se seswa. O dula Pretoria moo a iperekago bjalo ka graphic designer, animator le conceptualist.t.
