Tlhompho ye e fiwa badudi ba Afrika Borwa bao ba dirilego tiro e kgethegilego ya bogale ka go bea maphelo a bona kotsing e kgolo, goba ba hlokofetšego maitekelong a bona a go phološa bophelo bja motho yo mongwe, goba go phološa thoto, ka gare goba ka ntle ga mellwane ya Afrika Borwa.
Thulaganyo
Sefoka se se ka abja ka maemo a mararo:
- Maemo 1 = Gauta
- Maemo 2 = Silifera
- Maemo 3 = Bronze.
Seswantšho/dikarolo tša tlhamo
Sebopego sa bogareng/seswantšho
Kotse, ye e dirilwego ka letlalo la phoofolo, gantši la kgomo, e a dirwa le go logelelwa ka gare ga setšweletšwa sa seka-lee sa boalo bjo thata gomme ya rungwa ka mokgoko wa kota. Molamu le lerumu di sepedišana le kotse, yeo e fiwago baeng ba tlang mo nageng ya gabo rena go go tšwa lefaseng ka bophara bjalo ka seka sa botho.
Dikarolo
|
Petše ya molala
Petše ya sehuba
E nnyane |
Kotse
- SS Mendi – e emetše sebete sa masole a mantši a bathobaso ba Afrika Borwa le baofisiri ba gabo bona ba makgowa bao ba nweletšego le sekepe sa SS Mendi. Sekepe se nweletše morago ga go thuntšhwa le go nyaka go kgaolwa ka bogare ke SS Darro ka meetseng a go tonya a English Channel kgauswi le Isle of Wight ka di 21 Febereware 1917. Ba be ba le tseleng go ya France go thuša masole a Brithani ntweng ya Mathomo ya Lefase.
- Mogolodi o motalalerata – mogolodi o motalalerata wo o akaletšego godimo ga SS Mendi ke leswao la meoya ya masole a bogale a nweletšego. Mafofa a mogolodi o motalalerata a be a fiwa bahlabani ba bogale ka nako ya dintwa tša go lwantšha bokoloniale.
- Emerald e talamorogo – pelo yeo go yona go tšwang dintlha tše tharo e emetše tsela ye re tla e latelago kua pele ge re thuša bao ba hlokago ka nako ya masetlapelo a tlhago le mathata a mangwe a go šiiša ao a felago a re wela nako le nako lefaseng ka bophara.
Sebopego sa maswaro
- Tau – seka sa botse, maatla le bogale, e emetšwe ke mehlala go bapa le merumo ya maswaro. Se se laetša tlhapetšo ya mellwane, ka gare le ka ntle ga naga ya gabo rena, ye e dirwago ke Ma-Afrika Borwa a ikemišeditšego a bogale. Dišupi tše tharo tša thutafase di emetšwe ke go tseneletšwa ga matšoba a aloe ya go baba, semela sa setšo sa Afrika Borwa seo se tsebegago ka kgotlelelo, bokgoni bja go itsosolosa leswa, le boleng bja sona bja kalafo.
- Molamu le kotse – di sepedišana le kotse bja’ka maswao a tšhireletšo le tlhompho.
