Aansoek om die oordrag van ’n identifikasiemerk vir diere

Meer omtrent die oordrag van 'n diere-identifikasiemerk

'n Diere-identifikasiemerk kan van een eienaar na die naam van 'n ander lewendehawe-eienaar oorgedra word. Om dit te doen, moet die nuwe eienaar aansoek doen om die oordrag van 'n diere-identifikasiemerk by die Departement van Landbou, Bosbou en Visserye.

In geval van die afsterwe van die wettige eienaar kan die identifikasiemerk na jou oorgedra word indien die eksekuteur van die boedel toesteming gee. Indien daar nie 'n elsekuteur is nie, kan jy as nuwe eienaar 'n afskrif van die doodsertifikaat asook 'n magtigingsbrief van die Hooggeregshof wat sê dat jy die wettige eienaar van die diere is, aanheg.

Wat om te doen

1. Laai die aansoekvorm af of kry dit by voorligtingsbeamptes, landdroskantore, veediefstaleenhede van die Suid-Afrikaanse Polisiediens of by die Registrateur: Diere-identifikasie in Pretoria,.
2. Deel 2 van die vorm moet deur jou of die eksekuteur van die boedel (in geval van afsterwe) ingevul word. Indien daar nie 'n elsekuteur is nie, kan jy as nuwe eienaar 'n afskrif van die doodsertifikaat asook 'n magtigingsbrief van die Hooggeregshof wat sê dat jy die wettige eienaar van die diere is, aanheg.
3. Betaal die voorgeskrewe fooi aan die Departement van Landbou, Bosbou en Visserye by:
   Standard Bank 
   Tak: Arcadia
   Taknommer: 051001
   Rekeningnommer: 011252871
4. Pos die oorspronklike deponeerstrokie en die aansoekvorm aan:
   Die Registrateur: Diere-identifikasie
   Private Sak X138
   Pretoria
   0001
   of neem die aansoekvorm na die Delpen-gebou, op die hoek van Annie Bothalaan en Unionstraat, Riviera, Pretoria.

Tydsduur

Dit mag twee weke duur om die oordrag deur te voer.

Hoeveel kos dit

R 200

Vorms om in te vul

Application for transfer of registration of an identification mark

Wie om te kontak