Khumbelo ya ḽaisentsi ya tshikwekwete tshapo tsha u rea khovhe

Malugana na khumbelo ya tshikepe tsha u rea khovhe tsha mashango a nnḓa

Uri vha tendelwe u reila tshikepe tsha mashango a nnḓa Afrika Tshipembe, tshikepe tshi fanela u vha tsho ṅwaliswa tshi na fuḽaga ya ḽiṅwe shango nga nnḓa ha Afrika Tshipembe. Vha fanela u ita khumbelo ya ḽaisentsi ya tshikepe tsha u rea khovhe kha Muhasho wa Vhulimi, Maḓaka, na Vhufuwakhovhe ngei Kapa.

Uri tshikepe tshi wane ḽaisentsi, vha fanela u vha vha tshi khou shumisana na vha re na pfanelo ya Afrika Tshipembe. Uri vha wane thendelo, vha fanela u ḓadza fomo ya khumbelo ya phemithi ya u rea kha sekithara ine tshikepe tsha ḓo rea khayo. Arali tshikepe tshavho tshi tshi rea khovhe kha Malwanzhe a Nṱha nga tshifhinga tsha tshatha, vha fanela u ḓadza fomo ya khumbelo ya Malwanzhe a Nṱha.

Muṋe wa pfanelo ya u rea khovhe wa Afrika Tshipembe o tendelwa u hira tshikepe nga nyimele dzo fhambanaho musi a tshi rea khovhe kha Zounu ya Ikonomi yo Khetheaho (Exclusive Economic Zone (EEZ)) kana kha maḓi a dzitshakatshaka nga fhasi ha Fuḽaga ya Afrika Tshipembe.

Musi vha sa athu u ḓidzhenisa kha zwa u rea khovhe, vha fanela u kwama Muhasho wa Vhulimi, Maḓaka na Vhufuwakhovhe wa Kapa (kha vha sedze zwidodombedzwa zwa  vhukwamani afho fhasi) uri vha ḓivhe arali u hira tshikepe tsha mashango a nnḓa hu ḓo tendelwa kha sekithara ya u rea na uri ndi afhio maṅwalo ane a ṱoḓea uri khumbelo i ṱanganedzwe.

Tshikepe tsha u rea khovhe tshi ḓo itwa ndingo ya u lugela u tshimbila lwanzheni ya vha South African Maritime Safety Authority (SAMSA) vho tou ḓibadelela. Zwikepe zwoṱhe zwa mashango a nnḓa zwi ṱoḓea uri zwi vhe na INMARSAT C VMS ine ya vhiga kha Davhi: Vhulanguli ha Vhufuwakhovhe Kapa.

Zwine vha tea u ita

1. Kha vha ye kha Muhasho wa Vhulimi, Maḓaka na Vhufuwakhovhe Go to theMuhasho wa Vhulimi, Maḓaka na Vhufuwakhovhe wa Kapa:  Ground Floor, Foretrust Building, Martin Hammerschlag Way, Foreshore, Cape Town u wana fomo ya Khumbelo ya tshikepe tsha u rea khovhe tsha mashango a nnḓa
2. Vha ḓadze fomo ya khumbelo nga zwidodombedzwa zwi tevhelaho:
   • Dzina ḽa tshikepe tsha u rea khovhe
   • Dzina na zwidodombedzwa zwa muṋe wa tshikepe (hu tshi katelwa na mikovhe ya vhuṋe hatsho arali tshi tsha vhadzulapo vha Afrika Tshipembe vho ṱanganelanaho
   • Maaḓa a nzhini ya tshikepe
   • Vhulapfu na vhuhulwane ha tshikepe
   • Nomboro ya vhuḓiṅwalisi ya tshikepe
   • Shngo ḽine tsha shumisa fuḽaga yatsho ye tsha ṅwaliswa ngaḽo (arali tsho hiriwa kana tshi tsha vhaṋe vho ṱanganelanaho vha Afrika Tshipembe)
   • ṱhanziela ya tsireledzo i re mulayoni ya shango ḽine tsha shumisa fuḽaga yaḽo
   • sekithara ya u rea khovhe ine tshikepe tsha ḓo shumela khayo na tshifhinga tshine tsha ḓo shuma tshone.
3. Vha nambatedze vhurifhi ha tshiofisi ha shango ḽa fuḽaga ya Vhulanguli ha Vhufuwakhovhe, ha u khwaṱhisedza uri:
   • Tshikepe tsho tendelwa u rea khovhe maḓini a Afrika Tshipembe
   • Tshikepe a tshi athu u dzheniswa kha zwiito zwa nnḓa ha mulayo, u rea khovhe hu songo Tendelwaho na hu songo Vhigiwaho (Illegal, Unregulated and Unreported (IUU))
   • Vha maanḓalanga a Vhufukhovhe Afrika Tshipembe vha ḓo dzhia vhuḓifhinduleli ha u langula tshkepe
   • Vha maanḓalanga a Vhufukhovhe Afrika Tshipembe vha ḓo dzhia vhuḓifhinduleli ha u vhiga kha Madzangano a Vundu a u Langula Vhufuwakhovhe (Regional Fisheries Management Organisations (RFMOs)) arali zwi tshi ṱoḓea u ya nga mulayo wa RFMOs wa tshitatisitiki tsha khovhe dzo fashwaho, hu nga vha Afrika Tshipembe kana (South Africa’s EEZ) kaha Malwanzhe a Nṱha
   • Tshikepe tsha shango ḽa nnḓa tshi ḓo rea khovhe nga fhasi ha maga a ndangulo na phemithi dza Afrika Tshipembe.
4. Arali tshikepe tshi si tshikepe tsho tiwaho u ya nga kuavhelwe kwa pfanelo zwi amba uri muhumbeli u fanela u ḓadza fomo ya phiriso ya tshikepe.
5. Vha badele mbadelo yo randelwaho kha akhaunthu i tevhelaho:
   Bannga: First National Bank
   Nomboro ya Akhaunthu: 62123256382
   Lushaka lwa Akhaunthu: Current
   Dzina ḽa muṋe wa Akhaunthu: Marine Living Resources Fund
   Dzina ḽa Davhi: Corporate Account Services Cape Town
   Khoudu ya Davhi: 204-109
6. Vha founele senthara ya u thusa dzikhasiṱama uri vha fhiwe referentsi (021 402 3911 / 086 000 3474)
7. Vha rumele khumbelo kha Muhasho wa Vhulimi, Maḓaka na Vhufuwakhovhe : Private Bag X2, Roggebaai, Cape Town, 8012 vho dzhenisa pfanelo ya u rea kana thendelano ye vha I saina na muṋe wa ofanelo ya u rea khovhe arali vha si na pfanelo kana vha ise nga tshanḓa kha Foretrust Building.

Tshifhingambekanywa

Khumbelo ya u shumisa tshikepe tsha shango ḽa nnḓa (hu tshi katelwa na khumbelo ya u fhirisela tshikepe, phemithi ya u fasha na ḽaisentsi ya malwanzhe a nṱha) i nga dzhia maḓuvha a 14 a mushumo, zwi tshi ya nga uri vho shumisa nḓila yone ya u ita khumbelo.

Zwi ita vhugai

Mbadelo

Fomo dzi no tea u ḓadzwa

Kha vha ye kha Muhasho wa Vhulimi, Maḓaka na Vhufuwakhovhe wa Kapa:  Ground Floor, , Foretrust Building, Martin Hammerschlag Way, Foreshore, Kapa vha wane fomo ya khumbelo ya ḽaisentsi ya tshikepe tsha u rea khovhe tsha mashango a nnḓa.

Vha kwama inyi