Isibawo selayisense yesikepe sokuthiya sangaphandle

Ukobana usebenzise isikepe senarha yangaphandle sokuthiya iinhlambi eSewula Afrika, isikepe kufanele sirejistarwe ngeflarha yombuso wenye inarha ingasi leSewula Afrika. Kufanele ufake isibawo selayisensi yesikepe senarha yangaphandle yokuthiya iinhlambi kumNyango wezeLimo amahlathi kanye neenHlambi eCape Town.

Ukobana isikepe sinikelwe ilayisensi, kufanele ubambisane nalabo abanamalungelo wokuthiya iinhlambi eSewula Afrika. Ukuze isikepe sibe semthethweni, kufanele uzalise iforomo lesibawo mayelana nephemidi yokubamba iinhlambi ngokukhambisana nephiko lelo isikepe esizakuthiya kilo. Nangabe ufuna isikepe sithiye emaLwandle amaKhulu ngesikhathi setjhatha, kufanele uzalise iforomo lesibawo samaLwandle amaKhulu.

Onelungelo lokuthiya iinhlambi eSewula Afrika angaqatjha kwaphela isikepe ngaphasi kwemibandela evumelekileko ukobana azibandakanye emisebenzini yokubamba iinhlambi ngaphakathi kwe-Exclusive Economic Zone (EEZ) nanyana amanzi weenarha mazombe ngaphasi kobujamo beflarha yeSewula Afrika.

Ngaphambi kokungenela imisebenzi yokuthiya iinhlambi, kufanele uthintane nomNyango wezeLimo amaHlathi kanye neenHlambi eCape Town (qala imininingwana ongasithinta kiyo ngenzasi) ukuqala bona ingabe ukuqatjha isikepe seenarha zangaphandle kuzakuvunyelwa ephikweni lokuthiya elithileko nokobana ngimiphi imitlolo efunekako mayelana nokuphunyeleliswa kwesibawo esinjalo.

Isikepe sokuthiya iinhlambi sizakuhlolwa ziimPathimandla zeVikeleko zeSewula Afrika (i-SAMSA) kuqalwe iinkambiso zokuhlola bona isikepe sikufanele ukukhamba elwandle ngokweendleko (zomnikazi). Zoke iinkepe zeenarha zangaphandle zilindelwe bona zibe ne- INMARSAT C VMS esebenzako phezulu ebika kuGatja: UkuPhatha iinHlambi eCape Town. Igatja: isiGaba esiPhethe iinHlambi ukuSebenza kwe-VMS kuzakufakazela lokhu.

Okufanele ukwenze

1. Tjhinga kumNyango wezeLimo amaHlathi kanye neenHlambi eCape Town:  Ground Floor, , Foretrust Building, Martin Hammerschlag Way , Foreshore, Cape Town ukobana uthole iforomo lesibawo selayisensi yesikepe senarha sangaphandle sokuthiya iinhlambi
2. Zalisa iforomo lesibawo libe nemininingwana elandelako:
   • Ibizo lesikepe sokuthiya iinhlambi
   • ibizo kanye nemininingwana yomnikazi wesikepe (kufakwe hlangana amatjhera womnikazi nangabe ngokubambisana sihlanganyelwe nezakhamuzi zeSewula Afrika
   • amandla we-enjini yesikepe
   • ubude kanye nomthamo wesikepe
   • inomboro yokurejistarwa kwesikepe
   • iflarha lombuso lelo isikepe njenganje esirejistarwe ngalo (nangabe sikhanjiswa ukusuka nanyana sihlanganyelwe nezakhamuzi zeSewula Afrika
   • isitifikeyidi esisemthethweni sokuvikeleka esibuya eflarheni lombuso
   • iphiko lokuthiya iinhlambi lapha isikepe sizakuthunyelwa khona kanye nesikhathi sokuba lapho
3. Faka incwadi esemthethweni ebuya kusiPhathiswa seenHlambi  embusweni weflarha izakufuneka, ithokozele bona:
   • isikepe sivunyelwe ukobana sithiye emanzini weSewula Afrika
   • isikepe asikaze sizibandakanye kweminye neimnye imisebenzi yokuthiya engasi semthethweni, engalawulwako nengabikwako (i-IUU)
   • Iimphathiswa zeenHlambi eSewula Afrika zizakuba nesibopho sokulawula isikepe
   • Iimphathiswa zeenHlambi eSewula Afrika zizakuba nesibopho sokubika ukuthiya eenHlanganweni zesiFunda eziPhethe iinHlambi (ama-RFMO) nangabe kufunwa ngokutjho kwama-RFMO woke weembalobalo zeenhlambi ezibanjiweko, kungaba kungaphakathi kuma-EZZ weSewula Afrika nanyana kumalwandle amakhulu, zizakusebenza eSewula Afrika mayelana nesikhathi okuvunyelenwe ngaso ngokwesivumelwano esenziweko
   • Isikepe senarha yangaphandle sizakuthiya ngaphasi kwemithetho yeSewula Afrika kanye nemibandela yephemidi.
4. Nangabe isikepe akusiso esikhethiweko ngokwamalungelo wekambiso yokukhetha yeke umfakisibawo kufanele azalise iforomo lesibawo sokuthransfera isikepe.
5. Bhadala imali equntiweko kile-akhawundi elandelako:
   Ibhanga: First National Bank
   Inomboro ye-akhawundi: 62123256382
   Umhlobo we-akhawundi: Current
   Ibizo le-akhawundi: Marine Living Resources Fund
   Ibizo legatja: Corporate Account Services Cape Town
   Ikhowudu yegatja: 204-109
   Bethela kusentha yemisebenzi mayelana nereferensi kilenomboro (021 402 3911)
6. Thumela isibawo kumNyango wezeLimo amaHlathi kanye neenHlambi: Private Bag X2, Roggebaai, Cape Town, 8012 sikhambisane nelungelo lakho lokuthiya nanyana ikontraga eyenziwe nomnikazi welungelo lokuthiya nangabe awunawo amalungelo wokuthiya nanyana uzisele ngesandla ku- Foretrust Building.

Isikhathi esibekiweko

Isibawo sokusebenzisa isikepe senarheni yengaphandle esisetjenzisiweko (kufakwe hlangana isibawo sokuthransfera isikepe, iphemidi yokuthiya kanye nelayisensi yamalwandle amakhulu) singathatha amalanga ali-14 womsebenzi, kulawulwe kufakwa kuhle kweembawo.

Kubiza malini

Limbadela

Amaforomo ekufanele uwazalise

Tjhinga kumNyango wezeLimo amaHlathi kanye neenHlambi eCape Town:  Ground Floor, Foretrust Building, Martin Hammerschlag Way, Foreshore, Cape Town ukobana uthole iformo lesibawo selayisensi yesikepe senarha yangaphandle sokuthiya iinhlambi.

Ungathintana nobani