Leselawatle La Dinagadisele La Go Thea Dihlapi

Ka ga kgopelo ya laesense ya dinaga tša ntle ya sekepe sa go thea dihlapi

Gore o kgone go otlela ka mo Afrika Borwa sekepe sa naga ya ntle sa go thea dihlapi, sekepe seo se swanetše go ngwadišwa le fologa ya naga ye nngwe ye e sego Afrika Borwa. O swanetše go dira kgopelo ya laesense ya sekepe sa go thea dihlapi go Kgoro ya Temo, Dikgwa le Dihlapi (Department of Agriculture, Fisheries and Forestry ya Cape Town.

Gore sekepe seo se ngwadišwe o swanetše go ba le tumellano ya mohlakanelwa le Moafrika Borwa yo a nago le tokelo ya go thea dihlapi. Gore sekepe se dumellwe, o swanetše go tlatša fomo ya phemiti ya lekala le sekepe seo se tlogo wela go lona. Ge o nyaka gore sekepe seo se thee dihlapi lifelong la go bitšwa ‘High Seas’, o swanetše go tlatša fomo ya ‘High Seas’.

Moafrika Borwa yo a nago le tokelo ya go thea dihlapi a ka hira sekepe seo ka fase ga mabaka a a thata gore a kgone go thea dihlapi mo lefelong le le bitšwago Exclusive Economic Zone (EEZ) goba ka meetseng a dinaga tša boditšhabatšhaba ka fase ga pušo ya Afrika Borwa.

Pele ga ge o ka thoma ka go thea dihlapi, o swanetše go ikopanya le Kgoro ya Temo, Dikgwa le Dihlapi ya Cape Town (diatrese di ka mo fase) go kgonthiša gore nnete go hirwa ga sekepe go tlo dumellwa mo lekaleng le le itšego la go thea dihlapi le gore ke ditokumente dife tše di nyakegago gore kgopelo yeo e dumellwe.

Sekepe sa go thea dihlapi se tlo lekolwa ke South African Maritime Safety Authority (SAMSA) go kgonthiša gore se loketše go sepala ka lewatle gomme mong wa sona ke yena a tlogo lefa ditshenyegelo tšeo ka moka.

Dikepe ka moka tša dinaga tša ntle di swanetše go ba le INMARSAT C VMS yo a begago go Branch: Fisheries Management in Cape Town Kgorwana ya VMS Operation ya Lekala la Fisheries Management e tlo kgonthiša taba yeo.

1.  Eya go Kgoro ya Temo, Dikgwa le Dihlapi ya Cape Town:  Ground Floor, Foretrust Building, Martin Hammerschlag Way , Foreshore, Cape Town gore o hwetše fomo ya kgopelo ya laesense ya go sekepe sa go thea dihlapi
2. Tlatša fomo ya kgopelo ka tshedimošo ye e latelago:
   • leina la sekepe sa go thea dihlapi
   • leina le tshedimošomo ya mong wa sekepe (go akaretšwa le palo ya dišere tše motho yoo a nago le tšona ge e le gore sekepe se hlakanetšwe le Maafrika Borwa) 
   • maatla a sekepe seo
   • botelele le mothamo wa sekepe
   • nomoro ya boitšebišo ya sekepe
   • leina la naga ye sekepe seo se ngwadišitšwego gona gabjale (ge e le gore sekepe seo se hlakanetšwe le Maafrika Borwa) 
   • laesense ya maleba ya polokego ye e fiwago ke naga ya gabo sekepe seo
   • lekala la go thea dihlapi le sekepe seo se tlogo thea go lona nakong ya ge se le mo Afrika Borwa
3. Mamaretša lengwalo la semmušo la naga ye sekepe seo se tšwago go yona, le le hlatselago gore:
   • sekepe se dumeletšwe go thea dihlapi ka meetseng a Afrika Borwa
   • sekepe ga senke sa amega ditiragalong tša go thea dihlapi tše e sego tša semolao, gape di sa begwa
   • Lekala la Afrika Borwa la Dihlapi le tlo rwala maikarabelo a go laola sekepe seo
   • Lekala la Afrika Borwa la Dihlapi le tlo rwala maikarabelo a go bega merwalo ya dihlapi ye e theilwego go Regional Fisheries Management Organisations (RFMOs) ge go nyakega go ya ka dipalopalo tša RFMO tša dihlapi tše swerwego, e ka ba ka di swerwe mo mellwaneng ya Afrika Borwa goba Mawatleng a Garegare, dihlapi tšeo e tlo ba tša Afrika Borwa lebakeng la ge tumellano yeo e sa šoma
   • sekepe seo sa naga ya ntle se tlo thea dihlapi go ya ka melao le melawana ya Afrika Borwa.
4. Ge e le gore sekepe seo ga se se se kgethilwego go ya tsela ya kabelo ya ditokelo gona mokgopedi o swanetše go tlatša fomo ya phethišetšo ya sekepe.
5. Lefa tšhelete ye e beilwego ka akhaonteng ye e latelago:
   Panka: First National Bank
   Nomoro ya akhaonte: 62123256382
   Mohuta wa akhaonte: Current
   Leina la akhaonte: Marine Living Resources Fund
   Leina la lekala: Corporate Account Service Cape Town
   Khoute ya lekala: 204109
   Tiela senthara ya badirelwa gore o hwetše nomoro ya boitšhupo (021 402 3911 / 086 000 3474)
6. Romela difomo tša kgopelo ka poso goba ka letsogo go Kgoro ya Temo, Dikgwa le Dihlapi: Private Bag X2, Roggebaai, Cape Town, 8012 mmogo le tokelo ya gago ya go thea dihlapi goba kontraka ye o e saenetšego le motho yo a nago le phemiti ya go thea dihlapi ge e le gore ga o na le tokelo ya go thea dihlapi. O swanetše go romela ka poso goba ka letsogo difomo tša setlogo tše tladitšwego; wa se dire bjalo o ka se fiwe phemiti.

Lebaka

Kgopelo ya go šomiša sekepe sa naga ya ntle (go akaretšwa le kgopelo ya phethišetšo ya sekepe, phemiti ya go thea le laesense ya go thea mafelong a go iša fase kudu) e ka tšea matšatši a 14 a mošomo, go eya ka gore kgopelo e dirilwe ka mokgwa ofe.

E dira tshenyagelo ya bokae

Ditefišo

Diforomo tšeo di swanetšwego go tlatšwa

Eya go Kgoro ya Temo, Dikgwa le Dihlapi ya Cape Town: Ground Floor, Foretrust Building, Martin Hammerschlag Way, Foreshore, Cape Town gore o hwetše fomo ya kgopelo ya laesense ya sekepe sa naga tša ntle.

Dintlha tša boikopanyo