Ngaha
Zwine vha tea u ita
Tshifhingambekanywa
Zwi ita vhugai
Fomo dzi no tea u ḓadzwa
Vha kwama inyi
Ngaha vha ite khumbelo ya ḽaisentsi ya u bveledzisa pheṱhiroḽiamu
Ḽaisentsi ya u bveledza zwivhaswa i vha ṋea thendelo ya u bveledza zwibveledzwa zwa zwivhaswa na u zwi rengisela murengisi muṅwe na muṅwe ane a vha na thendelo ya u rengisa zwivhaswa. Fhedzi ḽaisentsi a i vha tendeli uri vha rengisele mashangoḓavha.
Kha vha ḓivhe hedzwi: a huna muthu o tendelwaho u bveledza zwibveledzwa zwa zwivhaswa nga nnḓa ha ḽaisentsi.
Vha ḓo dzhiwa sa ane a vha na ḽaisentsi ya u bveledza zwibveledzwa zwa zwivhaswa arali vho vha vha mubveledzi wa zwivhaswa phanḓa ha 17 Ṱhafamuhwe 2006 ḽine ḽa vha ḓuvha ḽa u thoma u shuma ha Mulayo. Fhedzi vha tea u ita khumbelo hu saathu u fhela miṅwedzi ya rathi u bva nga ḓuvha ḽa u shuma ha Mulayo.
Zwine vha tea u ita
- Vha tea u ḓadza Fomo ya khumbelo ya ḽaisentsi ya u bveledzisa: DE 40.
- Vha rumele fomo iyo kha ofisi dza dzingu dza Muhasho wa Fulufulu.
- Muhasho u ḓo vha rumela vhurifhi vhune ha sumbedza uri vha tea u anḓadza nothisi ya khumbelo kha gurannḓa nṋa dza mafhungo.
- Vha tea u isa khwaṱhisedzo ya nyanḓadzo ya nothisi ya khumbelo kha Muhasho.
- Musi vho no vha na ḽaisentsi, vha tea u ṋetshedza zwidodombedzwa zwa bindu ḽavho ṅwaha nga ṅwaha vha tshi khou shumisa zwidodombedzwa zwa ṅwaha zwa ḽaisentsi ya u bveledzisa (Fomo ya Ṋetshedzo), DE 33.
Tshifhingambekanywa
Tsheo i tea u dzhiiwa hu sa athu fhela maḓuvha a 90, ho vhalwa u bva kha datumu ye Muhasho wa ṱanganedza ngayo khwaṱhisedzo ya nyanḓadzo ya nothisi ya khumbelo.
Zwi ita vhugai
- R1 000 arali vho vha vho no thoma u shuma phanḓa ha musi Mulayo wa Khwiniso ya Zwibveledzwa zwa pheṱhiroḽiamu, wa 2003 (Mulayo wa vhu 58 wa 2003), u tshi thoma u shuma.
- R10 000 arali vho vha vha sa athu u thoma u shuma phanḓa ha musi Mulayo wa Khwiniso ya Zwibveledzwa zwa pheṱhiroḽiamu, wa 2003 (Mulayo wa vhu 58 wa 2003), u tshi thoma u shuma.
- R5 000 mbadelo ya u bveledzisa ḽaisentsi ya ṅwaha nga ṅwaha zwi tshi ya nga zwibveledzwa zwa pheṱhiroḽiamu zwo bveledzwaho u bva kha hydrocarbon iṅwe na iṅwe hu tshi katelwa pheṱhiroḽiamu, crude oil, gesemupo, tshiluḓi tsha gesemupo, kana malasha kana ṱhanganyelo iṅwe na iṅwe.
- R500 mbadelo ya u bveledzisa ḽaisentsi ya ṅwaha nga ṅwaha zwi tshi ya nga zwibveledzwa zwa pheṱhiroḽiamu zwo bveledzwaho u bva kha dziṅwe thumbukwa.
