Xikombelo xa layisense yo endla petiroliyamu

Hi ku endla xikombelo xa layisense yo humelerisa swa mafurha

Layisense ya muendli wa petiroliyamu yi ku pfumelela ku endla swimakiwa swa petiroliyamu no swi xavisa eka muholisele un’wana loyi a nga ni layisense kumbe muxavisi loyi a nga na layisense, ehandle ka swikongomelo swo xavisela vambe.

Tsundzuka leswaku: munhu a nge endli ximakiwa xa petiroliyamu ehandle ko va ni layisense yo endla.

U ta boheka ku va ni layisense yo endla, kambe hambiswiritano u fanele ku endla xikombelo ku nga si hela tin’hweti ta tsevu ku sukela siku leri Nawu wu sunguleke ku tirha hi rona, loko a wu tirha tanihi muendli loko Nawu wu nga si sungula ku tirha hi siku ra Vukhumenkombo Nyenyankulu 2006.

Leswi u faneleke ku swi endla

1. U fanele ku tata fomo yo endla xikombelo xa layisense yo humelerisa: DE 40.
2. Rhumela fomo ya xikombelo eka tihofisi ta xifundza ta Ndzawulo ya Eneji.
3. Ndzawulo yi ta ku rhumela papila yi ku hlamusela leswaku u fanele ku tsala xitiviso eka maphephahungu ya mune.
4. U fanele ku humesa vumbhoni bya ku tsariwa ka xitiviso xa xikombelo eka Ndzawulo.
5. Loko u kuma layisense, u fanele ku yisa vuxokoxoko bya bindzu ra wena lembe rin’wana na rin’wana hi ku tirhisa vuxokoxoko bya layisense yo Humelerisa lembe rin’wana na rin’wana (Fomo yo heleketa), DE 33.

Leswi u faneleke ku swi endla

Xiboho xi fanele ku endliwa exikarhi ka 90 wa masiku ku suka eka siku leri Ndzawulo yi amukeleke vumbhoni bya xitiviso xa xikombelo.

Xana swi durha mali muni

• I R1 000 loko ku ri ku a wu ri ku tirheni hi swona ku nga si fika Nawu wa Maantswiselo ya Swimakiwa swa Mafurha, wa 2003 (Nawu wa 58 wa 2003), loko wu sungula ku tirha.
• I R10 000 loko ku ri a wu nga ri ku tirheni hi swona ku nga si Nawu wa Maantswiselo wa Swimakiwa swa Mafurha, wa Nawu wa 2003 (Nawu wa 58 wa 2003), loko wu sungula ku tirha.
• Ku hakeriwa R5 000 ya layisense yo humelerisa ya lembe na lembe hi ku ya hi swimakiwa leswi swi endliwaka ku suka eka khabohayidirojeni ku katsa swimakiwa swa mafurha, oyilimbisi, gasi ya ntumbuluko, swihalaki swa gasi ya ntumbuluko, kumbe eka ku hlanganisiwa ka kun’wana na kun’wana.
• Ku hakeriwa R500 ya layisense yo humelerisa hi ku ya hi swimakiwa swa mafurha leswi endliwaka swi huma eka switirhisiwaxidzi swin’wana.

Tifomo leti tatiwaka

• Application form for a manufacturing licence: DE 40
• Annual Manufacturing application form DE 37
• Application for temporary licence
   

Vuxokoxoko bya vutihlanganisi