Kufaka sicelo selayisensi yekukhicita i-petroleum

Ngesi sicelo selayisensi yekukhicita woyela

Ilayisensi yekukhicita i-petroleum ikuvumela kutsi ukhicite imikhicito ye-petroleum bese uyitsengisela nobe ngabe ngumuphi umuntfu wehholiseyi nobe umtsengisi, ngaphandle kwetinjongo tekuyisa kumave angesheya.

Uyacelwa kutsi ucaphele: umuntfu angeke akhicite umkhicito we-petroleum ngaphandle kwelayisensi yekukhicita.

Utawutsatfwa njengalonelayisensi yekukhicita, kodvwa kufanele ufake sicelo selayisensi yekukhicita ngekhatsi kwetinyanga letisitfupha kusuka kulokucala kusebenta kwaloMtsetfo, uma bewusebenta njengemkhiciti ngaphambi kwalokucala kwekusebenta kwaloMtsetfo, 17 Mashi 2006.

Yini lekumele uyente

1. Kufanele ugcwalise Lifomu lesicelo selayisensi yekukhicita: DE 40.
2. Tfumela lifomu lesicelo ehhovisi lesigodzi leLitiko Letemandla.
3. Litiko litakutfumelela incwadzi lekutjela kutsi kufanele wente satiso sesicelo emaphephandzabeni lamane. 
4. Kufanele unikete Litiko bufakazi bekushicilelwa kwesatiso sesicelo. 
5. Nangabe sewunelayisensi, kufanele watise ngelibhizinisi lakho njalo ngemnyaka usebentise kwatisa kwaminyaka yonkhe kwelayisensi Yekukhicita (lifomu Lelwetfulo), DE 33.

Sikhatsi semsebenti

Sincumo kufanele sentiwe phakatsi nemalanga langema-90 kusukela Litiko litfole bufakazi bekushicilelwa kwesatiso sesicelo.

Ngabe kubita malini

• R1 000 nangabe besewucalile kusebenta ngembi Kwemtsetfo Losichibiyelo Wemikhicito Yawoyela, 2003 (Umtsetfo 58 wa-2003), ucale kusebenta.  
• R10 000 nangabe bewungakacali kusebenta ngembi Kwemtsetfo Losichibiyelo Wemikhicito Yawoyela, 2003 (Umtsetfo 58 wa-2003, ucale kusebenta. 
• R5 000 njalo ngemnyaka lokuyimali yelayisensi yekukhicita imikhicito yawoyela lesukela kunobe nguyiphi ihaydrokhabhoni lehlanganisa woyela, woyela longakahlutwa, igesi yemvelo, lokusamanti kwegesi yemvelo, nobe lilahle nobe yini lehlanganiswe naloko.
• R500 njalo ngemnyaka lokuyimali yelayisensi yekukhicita imikhicito leyentiwe ngaletinye tintfo letentiwe ngemikhicito yemvelo.

Emafomu lagcwaliswako

• Application form for a manufacturing licence: DE 40
• Annual Manufacturing application form DE 37
• Application for temporary licence
   

Ngubani longamutsintsa