Iindwendwe zamazwe angaphandle ezindwendwele uMzantsi Afrika zinokubanga ukuba zibuyiselwe i-VAT eziyihlawule kwizinto ezizakuhamba nazo ukuphuma kweli lizwe xa ixabiso lezo zinto elipheleleyo lingaphezulu kwama-R250. Isicelo sembuyekezo kufuneka sifakwe kwi-ofisi yaBalawuli beMbuyekezo ye-VAT. Ezi ofisi zikwiZikhululo zeeNqwelo-moya zeZizwe-ngezizwe eRhawutini naseKapa, kwizikhululo ezikwimida eliqela nakumazibuko orhwebo achongiweyo.
Xa uthenga izinto, zazise njengomkhenkethi wamazwe angaphandle kubancedisi basezivenkileni, uze ucele i-invoysi yerhafu. I-invoysi yerhafu kufuneka iqulathe lonke olu lwazi lulandelayo:
- isixa semali ehlawuliselwe i-VAT, okanye inkcazelo yokuba i-VAT ifakiwe kwixabiso elipheleleyo lwezinto ezo
- umthamo nengcaciso epheleleyo yezinto ezithengiweyo
- inombolo ye-invoysi yerhafu efana yodwa ngokulandelelanayo
- igama lomthengi nedilesi
- isixa se-VAT ehlawulisiweyo, okanye inkcazelo yokuba i-VAT ekwizinga le-15% ifakiwe kwixabiso elipheleleyo lwezinto ezo.
Kufuneka uveze amaxwebhu okwenene kwakunye nezinto ezithengiweyo.
Postal address
The VAT Refund Administrator
PO Box 107
OR Tambo International Airport
South Africa
1627
E-mail addresses
Botswana : botswana@taxrefunds.co.za
Swaziland : swaziland@taxrefunds.co.za
Namibia : namibia@taxrefunds.co.za
Other countries : generalqueries@taxrefunds.co.za
Website: www.taxrefunds.co.za
Tel: + 27 11 979 0055