Vha ita hani khumbelo ya u badelwa murahu vat

Vhaeni vha dalelaho Afurika Tshipembe ubva kha mashango a nnḓa vha nga vhila murahu VAT yo badelwaho kha zwithu zwine vha huma nazwo nnḓa ha shango arali nyangarelo ya tshivhalo itshi fhira R250. Khumbelo ya u vhila murahu i tea u iswa kha ofisi dza Ndangulo ya Mbadelamurahu ya VAT. Ofisi idzi dzi wanala kha Vhuimangalavha ha Dzitshaka ha Johannesburg na ha Ḓorobo ya Kapa, na kha mikaṋo yo fhambanaho ya mashango na kha vhuimazwikepe ha vhuvhambadzi.

Musi vha tshi renga thundu, vha tea u ḓiṱalusa sa muendelamashango a bvaho mashangoḓavha kha murengisi wa vhengeleni, vha humbele na tsumbathengo ya muthelo. Tsumbathengo ya muthelo i tea u vha na zwidodombedzwa zwi tevhelaho:

• ṱhanganyelo ya VAT yo badelwaho, kana tshiṱatamennde tshi sumbedzaho uri VAT yo katelwa kha mbadelo yoṱhe ya thundu.
• tshivhalo na ṱhaluso yo fhelelaho ya zwithu zwo rengwaho
• nomboro yo khetheaho ina seriaḽa ya tsumbathengo ya muthelo  
• dzina ḽa murengi na aḓiresi
• ṱhanganyelo ya VAT yo badelwaho, kana tshiṱatamennde tshi sumbedzaho uri VAT kha phimo ya 15% yo katelwa kha mbadelo ya thundu dzoṱhe.

Vha tea u ṋetshedza maṅwalo a vhukuma khathihi na zwithu zwo rengwaho.