Ndingo ya sambulu dza mbeu dza tshiofisi

Malugana na u lingiwa ha sambula dza mbeu dza tshiofisi

Uri sambula dzavho dza mbeu dzi lingiwe u vhona arali dzo kuna, u mela na/kana ndeme, Muhasho wa Vhulimi, Maḓaka na Vhufuwakhovhe vhaiti vha sambula vha fanela u ṱusa sambula.

Sambula dza muvhuso dza mbeu dzi fanela u fusha maimo a Mulayo wa u Alusa Zwimela (PIA). Arali mbeu i sa fusi ṱhoḓea dza Mulayo, dzi fanela u hmiswa dzi sa rengiswe kana u bviswa ḽebuḽu.

Zwine vha tea u ita

1. Maṱusi vha sambula vha mavundu vhane vha bva kha ofisi dza dzingu dza Muhasho wa Vhulimi, Maḓaka na Vhufuwakhovhe vha ḓo ṱusa sambula kha ndangulo ya thengiso (TC) na mbeu yo ṱunḓiwaho (IS) kha vhathu, zwi ambaho madzangano, zwiimiswa, dzikhamphani, miṱanganelano na vhalimi vhane vha rengisa mbeu.
2. Maḓulu a mbeu, mbeu dza makwevho na dzo ṱanzielwaho dzoṱhe, dzi ḓo dzhielwa nṱha.
3. Maḓulu a mbeu ane a ḓo ṱusiwa sambula khao a nangwa nga nḓila dzi tevhelaho:
   • U nangiwa ha ḓulu ḽa mbeu hu songo dzudzanywaho
   • Maḓulu ane a humbulela
   • Tshaka dza zwimela dzi re na thaidzo.
4. Sambula dzi a lingiwa u vhona arali dzi tshi tevhedza mbetshelo dza Mulayo wa u Alusa Zwimela.

Vha dzhiele nzhele:

Mivhigo ya ndingo dzo itwaho i rumelwa kha muthu o ṱusaho sambula. Arali vha tshi ṱoḓa mvelelo, vha ḓo rumelwa Muhigo wa u Saukanya Sambula vha tea u badela na mbadelo dzo randelwaho.

Zwidodombedzwa zwa bannga ndi:
Bannga: Standard Bank
Dzina ḽa davhi: Arcadia
Khoudu ya davhi: 01-08-45
Nomboro ya akhaunthu: 011244887
Dzina ḽa akhaunthu: NDA- Seed Testing Services
Vha songo hangwa u dzhenisa nomboro ya rasithi u itela referentsi.

Vha badele mbadelo dza ndingo dza mbeu vha rumele vhuṱanzi ha mbadelo kha OSTL nga fekisi kana nga imeiḽi uri muvhigo u bviswe.

Tshifhingambekanywa

Thaka dza zwimela dzo fhambanaho dzi na nyimele dza ndingo dzo fhambanaho na tshifhinga tshadzo tshi fhambana u bva kha maḓuha a si gathi u ya kha vhege dzi si gathi.

Fomo dzi no tea u ḓadzwa

A hu na fomo dzo teaho u ḓadziwa.

Vha kwama inyi