Khumbelo ya u ṅwalisa manyoro a Tshigwada 2 kana Group 2

Malugana na u ṅwalisa manyoro a Tshigwada tsha 2

Uri vha tendelwe u maga kana u rengisa manyoro a Tshigwada tsha 2, vha fanela u ḓiṅwalisa kha Muṅwalisi wa Mulayo wa vhu 36 wa 1947. Manyoro a Tshigwada tsha 2 a na naiṱirodzheni (N) fosforasi (P) kana photheziamu (K) i fhiraho 100 g/kg sa zwone zwitimbanywa zwihulwane. A ḓivhiwa sa manyoro a si oganiki.

Vha fanela u vha na ofisi Afrika Tshipembe kana muthu wa zwa mulayo a re na ofisi Afrika Tshipembe uri vha tendelwe.

Arali manyoro ane vha khou ṱoḓa u a ṅwalisa zwo no ṅwaliswa nga muṅwe muthu, vha fanela u wana thendelo yo ṅwalwaho ya muthu onoyo vha sa athu u ḓiṅwalisa.

Vha fanela u rumela manyoro kha ḽaborothari yo tendelwaho musi vha sa athu u ḓisa khumbelo yavho. Ḽaborothari i ḓo sedzulusa na u linga manyoro ya vha fha ṱhanziela ya u saukanya. Kha khumbelo yavho ya Muṅwalisi, vha fanela u nambatedza ṱhanziela ya u saukanya. Muṅwalisi ha nga ṱanganedzi khumbelo yavho arali i si na ṱhanziela ya u saukanya ya ḽaborothari yo tendelwaho u shuma.

Vha dzhiele nzhele. Vha fanela u vusulusa vhuḓiṅwalisi havho miṅwaha miraru miṅwe na miṅwe hu sa athu u fhira 31 Nyendavhusiku.

Zwine vha tea u ita

1. Vha dzhie manyoro vha a ise kha ḽaborothari yo tendelwaho uri a saukanyiwe vha wane ṱhanziela ya u saukanya.
2. Vha ṅwalele Muṅwalisi vhurifhi ha nga nṱha. Vhurifhi havho vhu fanela u katela na zwidodombedzwa zwi tevhelaho:
   • dzina ḽa manyoro
   • nomboro ya vhuḓiṅwalisi ya manyoro arali o no ṅwaliswa nga muṅwe vha ṅwale tshiitisi tsha u a ṅwalisa hafhu (zwi ambaho uri, vha khou ḓädzisa maṅwe manyoro kha khumbelo yo no ṅwaliswaho)
   • uri vha na thendelo yo tou ṅwaliwaho, arali manyoro o no ṅwaliswa nga muṅwe
   • uri vha na ṱhanziela ya u saukanya
   • uri vho badela mbadelo yo fhelelaho na referentsi. Hezwi a zwi vha kwami arali vhatshi khou isa nga tshanḓa vha badela mbadelo yo randelwaho nga kheshe kha Muhasho wa Vhulimi, Maḓaka na Vhufuwakhovhe (DAFF).
3. Vha bvise fombo i re nga fhasi vha i ḓadze, hu tshi katelwa na tshibveledzwa na zwidodombedzwa.
4. Vha nambatedze vhurifhi ha nga nṱha, ḽebuḽu ya tshibveledzwa, Ṱhanziela ya Koporasi na ṱhanziela ya ḽaborothari kha khumbelo yavho. Vha ite khophi nthihi ya fomo. 
5. Vha rumele fomo dza khumbelo (nthihi ya u thoma na khophi) vha nambatedze hezwi kha: Muṅwalisi: Mulayo wavhu 36 wa 1947, Private Bag X343, Pretoria, 0001 kana vha ise nga tshanḓa kha:Muṅwalisi: Mulayo wa 
6. Vha badele mbadelo yo randelwaho nga phosiṱaḽa oda kana nga kheshe vho i ṅwalela Mulangi Muhulwane wa hulimi: Muhasho wa Vhulimi, Maḓaka, na Vhufuwakhovhe. Arali vha tshi ḓo ḓisa khumbelo yavho nga tshanḓa na mbadelo ya khumbelo, vha fanela u khwaṱhisedza uri vho wana rasithi. Arali vha tshi khou badela mbadelo yavho nga Mbadelo ya Iḽekiṱhironiki (Electronic Transfer Account) vha fanela u i badela kha akhaunthu i tevhelaho:
7. Dzina ḽa muṋe wa akhaunthu: NDA-ACT 36 of 1947
   Nomboro ya Akhaunthu: Referentsi: Dzina ḽa khamphani yavho,
   Khoudu ya davhi: Dzina ḽa Bannga:

Tshifhingambekanywa

Miṅwedzi miraru u ya kha ya rathi

Zwi ita vhugai

Mbadelo dza 2024/25

Fomo dzi no tea u ḓadzwa

Application for the Registration of a Group 2 Fertilizer (Khumbelo ya u Ṅwalisa Manyoro a Tshigwada tsha 2)

Vha kwama inyi