Khumbelo ya thendelo ya mboho

Ngaha na khumbelo ya u shumisa phukha sa mulambedzi wa zwithu zwa dzhenethiki

Ur vha tendelwe u bvisa zwithu zwa dzhenethiki kha phukha, vha fanela u thoma vha wana thndelo kha Muṅwalis.

Vha fanela u bvisa sambula ya malofha a phukha ine vha khou ṱoḓa u i shumisa u bvisa khayo zwithu zwa dzhenethiki. Vha rumele sambula ya malofha kha ḽaborothari ine ya ḓivhea uri i itwe ndingo ya DNA. Ḽaborothari i ḓo bvisa ṱhanziela ya phurofaili ya DNA ya phukha. Hei ṱhanziela i ṱoḓea kha phukha ine ya kona u dzwala uri hu khwaṱhisedzwe vhukoni ha u beba na u ṱalusa phukha.

Vha fanela u wana mulafhazwifuwo uei a ṱole phukha. Vha Kwame ofisi ya mulafhazwifuwo kha Muhasho wa Vhulimi, Maḓaka, na Vhufuwakhovhe wa vundu.   Uri phukha i tendelwe u vha mulambedzi i fanela u vha i na mutakalo i si na malwadze. Mulafhazwifuwo u ḓo ṱola ndeme ya vhutzali ha phukha na dziṅwe ṱhoḓea dzo randelwaho.  Nga murahu ha u ṱola, mulafhazwifuwo u ḓo ḓadza fomo a saina fhethu ha “khwaṱhisedzo” kha fomo. Zwiṅwe, vha nga ḓi thola mulafhazwifuwo wavho wa phuraivethe.

Musi vho no rumela fomo yavho ya khumbelo, Muṅwalisi na tshitshavha tsha u bebisa zwifuwo vha ḓo khwaṱhisedza zwidodombedzwa zwe zwa ṋetshedzwa nga mulafhazwifuwo na fomo ya phurofaili i no bva ḽäborothari. Arali vho fushea nga zwidodombedzwa, muṅwalisi u ḓo vha ḓivhadza uri vha dzudzanye u ṱoliwa ha phukha nga mulafhazwifuwo, u itela uri vha wane ṱhanziela. Arali ha vha na luṅwe lushaka lune khuromozoumu dza hone dza vha dzi songo tshimbila zwavhuḓi, muṅwalisi u ḓo vha kwama uri vha ise ṱhanziela ya thendelo ya karyotype. Arali redzhisiṱara na vhabebisi vha songo fushea, vha ḓo vha ḓivhadza.

Vha dzhiele nzhele: Arali hu na phukha dzi fhiraho nthihi dzine vha khou ṱoḓa u bvisa zwithu zwa dzhenethiki khadzo, vha fanela u ita khumbelo ya iṅwe na iṅwe ya phukha dzenedzo thungo.

Zwine vha tea u ita

1. Vha dzhie sambula ya malofha ya phukha ine vha khou ṱoḓa u bvisa khayo zwithu zwa dzhenethiki vh ite ndingo yaDNA khan ḽaborothari ine ya ḓivhea.
2. Vha Kwame muhasho wa vundu wa Vhulimi, Maḓaka, na Vhufuwakhovhe vha wane mulafhazwifuwo. 
3. Vha badele mbadelo yo randelwaho nga tsheke, posiṱaḽa oda, oda ya tshelede kha Mulangi Muhulwane: Muhasho wa Vhulimi, Maḓaka, na Vhufuwakhovhe. Arali vha tshi ḓo isa khumbelo na tshelede ya khumbelo nga tshanḓa, vha khwaṱhisedze uri vho fhiwa rasithi. Arali vha tshi khou badela nga Iḽekiṱhironiki (Electronic Transfer Account), vha fanela u badela kha akhaunthu i tevhelaho:
   Dzina ḽa muṋe wa akhaunthu: Director-General: Department of Agriculture, Forestry and Fisheries
   Nomboro ya Akhaunthu: 011219556,Branch: Arcadia
   Branch number: 000845/010845
   Referentsi: Dzina ḽavho na tshifani
4. Vha bvise vha ḓadze fomo ya khumbelo i re nga fhasi. Vha ḓadze fomo i re kha khethekanyo ya 1 u swika kha ya 3.
5. Vha nambatedze phurofaili ya DNA na vhuṱanzi ha mbadelo kha fomo yavho ya khumbelo. 
6. Vha rumele maṅwalo a khumbelo nga poswo kha: Private Bag X138, Pretoria, 0001 kana nga tshanḓa kha: Delpen Building, Cnr Annie Botha Avenue and Union Street, Riviera, Pretoria.

Tshifhingambekanywa

Maḓuvha a 30.

Zwi ita vhugai

R620

Fomo dzi no tea u ḓadzwa

• Approval of a bull for collection of semen (Thendelo ya vhutzali kha phulu)
• Approval for a boar for artificial insemination (Thendelo ya u bvisa vhutzali kha tshanḓa kha nguluvhe ya mboho u itela u vhu dzhenisa nga tshanḓa)   
• Approval for a stallion for artificial insemination (Thendelo ya u bvisa vhutzali kha tshanḓa kha bere yamboho u itela u vhu dzhenisa nga tshanḓa)

Vha kwama inyi