Mekgatlo ya basebetsi le ya bahiri e ka kenya kopo ya ho theha mekgatlo ya ditherisano ka tsa tshebetso le kgiro.
Mokgatlo wa ditherisano ka tsa tshebetso le kgiro o shebana haholo le ditumellano ka tsa tshebetso, tharollo ya mathata ka tsa kgiro, ho ralwa ha maano, melawana le dipehelo tse mabapi le tsa kgiro.
Romela kopo ya hao ya ho ngodisa mokgatlo wa ditherisano ka tsa tshebetso le kgiro (Application for Registration of Bargaining Council, Form LRA3.3) ho The Registrar of Labour Relations, Department of Employment and Labour, Private Bag X117, Pretoria, 0001.
Mokgatlo o le mong wa ditherisano ka tsa tshebetso le kgiro o ka kopana le o mong kapa e meng ho theha mokgatlo o le mong. Ha mekgatlo ena e fapaneng e se e kopane, e ingodisitse jwalo ka mokgatlo o le mong, boingodiso ba mekgatlo e na e meng e neng e ikemetse bo tla hlakolwa mme ho sale ona o motjha o kopantseng mekgatlo e fapaneng.
Romela kopo ya ho kopanya mekgatlo ya ditherisano ka tsa tshebetso le kgiro (Application for Registration of Amalgamated Bargaining Council, LRA3.11) ho The Registrar of Labour Relations, Department of Employment and Labour, Private Bag X117, Pretoria, 0001.
Bakeng la lesedi le eketsehileng ikopanye le Lefapha la Kgiro le Mesebetsi.
