Iinhlangano ezijamele abasebenzi neenhlangano zabaqatjhi zingenza isibawo sokubumba imikhandlu yokukhulumisana.
Imikhandlu yokukhulumisana isebenza ngeemvumelwano zobujamo bokusebenzela ezihlanganyelweko, irarulule imiraro yezemisebenzi neyabasebenzi, isungule amahlelo ahlukahlukileko ibe iphefumule ngemithethokambiso nemithetho yezemisebenzi.
Thumela isibawo sakho sokutlolisa umkhandlu wokukhulumisana (Application for Registration of Bargaining Council, Form LRA3.3) ku-Registrar of Labour Relations, Department of Employment and Labour, Private Bag X117, Pretoria, 0001.
Nanyana ngiwuphi umkhandlu wokukhulumisana ungakhetha ukuhlangananiswa nofana ukuhlangana nomunye namkha neminye imikhandlu yokukhulumisana. Ngemva kokutlolisa umkhandlu omutjha, isiphathimandla esitlolisako siyakusula ukutloliswa komkhandlu wokukhulumisana obekwenziwe kukodwa.
Thumela isibawo sakho sokuhlangana/sokuhlanganiswa kwemikhandlu yokukhulumisana (Application for Registration of Amalgamated Bargaining Council, LRA3.11) ku- Registrar of Labour Relations, Department of Employment and Labour, Private Bag X117, Pretoria, 0001.
Ukuthola eminye imininingwana ngalokhu, thintana nomNyango wezokuQatjha nezabaSebenzi.
