Kopo ya ho lokollwa ditlamong (exemption) bakeng sa ho tshwasa o iphedisa kapa o tshwasa palo e nyenyane

O lokela ho etsa kopo ya ho ba mokgelo bakeng sa botshwasi ba ho iphedisa le bo bonyenyane haeba o dula sebakeng se lebopong mme o batla ho sebedisa mehlodi ya diphedi tsa lewatleng.

O lokela ho etsa kopo ka motjha wa Dikomiti tse Sebetsang Mmoho tsa Lehae.

Ho lokela ho ba mokgelo, o lokela ho kgotsofatsa maemo ohle a tiisetso. Temoso. Ke tlolo ya molao ho kena botshwasing ba ho iphedisa le bo bonyenyane o hloka tumello. Ha jwale batshwasi ba tshwasetsang ho iphedisa le ba banyenyane ba laolwa ke ho etsa mekgelo ho fihlela ho etswa qeto ka leano la botshwasi la batshwasi ba banyenyane. Ho etswa mokgelo ho ntjhafatswa selemo le selemo.

Pele ho ntshwa mangolo a ho etswa mokgelo basebeletsi ba lefapha ba tla hlalosa dipehelo tsa ho ba mokgelo le ditekanyetso molao wa ho lekanyetsa ho tshwasa ditlhapi.

Ho hloleha ho imatahanya le dipehelo tsa ho etswa mokgelo ho ka baka hore ho nkwe mehato ya molao e kenyeletsang ho fanyehwa, ho nyahlatswa kapa ho hulwa ha ho etswa mokgelo.

O lokela ho etsang

1. Ingodise le ho etsa kopo dikomiting tse sebetsang mmoho tsa lehae.

2. Supa hore na o batla ho kena lekaleng lefe kapa botshwasing bofe.

3. Tekena lenane ho dumela hore o.fumane tokomane ya ho etswa mokgelo.

Nako ya tshebetso

Tsela ya ho etsa kopo e ka nka kgwedi kapa ho feta ho ya ka bongata ba dikopo. Bahlanka ba lefapha ba tla bitsa kopano ya badudi ho fana ka ditokomane tsa ho etswa mokgelo ho batshwasi bohle ba ngodisitsweng.

Ditjeo ke bokae

Tshebeletso ena ke mahala ho fihlela ho etswa qeto ka leano la botshwasi la batshwasi ba banyenyane.

Diforomo tse tlatswang

Ha ho diforomo tse lokelang ho tlatswa.

Dintlha tsa ho iteanya

Mohala: 021 402 3911
Fekse: 021 402 3367
Motsemoholo/toropo: Motse Kapa
Aterese ya sebaka: Fisheries Management, Department of  Agriculture, Forestry and Fisheries, Ground floor, Foretrust Building, Martin Hamerschlag Way, Foreshore, Cape Town, 8000.
Aterese ya poso: Department of  Agriculture, Forestry and Fisheries, Private Bag X2, Roggebaai, Cape Town, 8012.