Sicelo seselekelelo ngelusito

Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa

 

 

Ngesibonelelo selusito

Ngabe uphila ngesibonelelo setenhlalakahle kodvwa awukhoni kutinakekela? Ungatfola sibonelelo lesengetiwe kubhadala lomuntfu lokunakekela ngalokuphelele.  

Ngabe wati njani kutsi uyafaneleka?

Kumele:

  • ube utfola sibonelelo sekukhubateka, sibonelelo setigayigayi temphilo nobe sibonelelo sebantfu labadzala
  • awukhoni kutinakekela ngenca yekukhubateka kwemtimba nobe kwengcondvo yakho, ngako-ke udzinga kunakekelwa ngalokuphelele ngulomunye umuntfu
  • ube unganakekelwa esikhungweni lesitfola lusito lwetimali kuhulumende kunakekela wena nobe lwendlu.

Utawutfola malini?

Sibonelelo lotasitfola 0ngu R500 ngenyanga.

Utawukhokhelwa njani?

I-Ejensi yekuCinisekiswa kweteNhlalakahle eNingizimu Afrika (SASSA) itawubhadala sibonelelo ngayinye kuletindlela letilandzelako:

  • ngakheshi endzaweni letsite yekubhadala ngelilanga lelitsite
  • kufaka nge-elektroniki ebhangini lakho, kufaka ekhatsi i-Postbank (libhangi lingabhadalisa ngalolusito)
  • kusikhungo lesisebenta njengemphatsi wesibonelelo (sib. inhlangano yetenhlalakahle).

Lesibonelelo sitawubhadalwa sikanye nesibonelelo sakho setenhlalakahle.

Khumbula: Uma ungakhoni kutilandzela sibonelelo ngekwakho, ungatikhetsela umuntfu ehhovisi le-SASSA, nobe unikete lomunye umuntfu emandla lotawulandza sibonelelo sakho egameni lakho.

Ngabe sibonelelo sakho singabuyeketwa nini?

Sibonelelo sakho singabuyeketwa uma ngabe sibonelelo setenhlalakahle lesihlanganiswe naso sibuyeketwa.

Yini lekumele uyente

  • Yani ku-Ejensi yekuCinisekiswa kweteNhlalakahle eNingizimu Afrika (SASSA) edvute nalapho uhlala bese ufika naloku lokulandzelako:
    • matisi (i-ID) wakho lonemagabelo lanemadijithi langu-13
    • bufakazi besimo semshado kanye namatisi wemlingani lapho kudzingeke khona
    • umbiko wetekwelapha nobe umbiko weluhlolo (longaphasi kwetinyanga letintsatfu budzala) lokhombisa kwekutsi udzinga kunakekelwa ngalokuphelele.

Khumbula: Uma umdzala kakhulu nobe ugula kutsi ungahamba uye ehhovisi kuyofaka sicelo, lilunga lemndeni nobe umngani angafaka sicelo egameni lakho. Lomuntfu kumele ahambe nencwadzi lephuma kuwe kanye/nobe linothi ladokotela lelisho kutsi kungani kuya ehhovisi.

  • Gcwalisa lifomu lesicelo phambi kwesisebenti se-SASSA (khumbula kwekutsi nguwe kuphela njengemzuzi kanye nesisebenti se-SASSA leningagcwalisa lifomu lesicelo). sisebenti sitakubuta imibuto futsi sikutjele uma ngabe ufaneleka kutfola sibonelelo.
  • Utawuniketwa irisithi. Yingcine njengebufakazi bekutsi ufake sicelo.

Kwentekani uma sicelo sakho singemukelwa?

Uma sicelo singamukelwa, i-SASSA itakwatisa ngekubhala kwekutsi kungani sicelo sakho singakabi yimphumelelo.

Uma ungavumelani nesincumo, ungafaka sikhalo kuNdvuna Yekutfutfukiswa KweTenhlalo. Kumele ufake sikhalo ngekhatsi kwemalanga langu-90 ekwatiswa kwekutsi sicelo sakho asikaphumeleli.

Sikhatsi semsebenti

  • Kungatsatsa tinyanga letintsatfu kusebenta sicelo sakho.
  • Uma sicelo sakho sivunyiwe, utawubhadalwa kusukela ngelusuku inkantolo ifake umntfwana etandleni takho.

Ngabe kubita malini

Lolusito lwamahhala.

Emafomu lagcwaliswako

Lifomu lesicelo alitfolakali ku-inthanethi, kodvwa ungalitfola ehhovisi lekucinisekiswa kwetenhlalakahle (le-SASSA) lelisedvute nawe.

Ngubani longamutsintsa

I-Ejensi yekuCinisekiswa kweteNhlalakahle yaseNingizimu Afrika (SASSA)

 

 

SASSA Toll free: 0800 60 10 11
Email:  GrantEnquiries@sassa.gov.za  

Share this page