Faka sicelo selilungelo lekuvula imayini

Mayelana nekufaka sicelo selilungelo  lekuvula imayini

Nangabe ufuna lilungelo letemayini, udzinga imvume lebuya kuLitiko Letetimbiwa kutsi ugubhe timbiwa endzaweni letsite.

Lilungelo letemayini akumele lindlule sikhatsi lesiminyaka lenge-30.

Lilungelo letemayini unikwa nangabe:

• lesimbiwa singambiwa ngesimo lesincomekako

• unayo lemali nemakhono ekuchuba  lomsebenti wekumbiwa kwetimbiwa ngesimo lesincomekako
• loluhlelo lwekutfola timali luhambisana nekusebenta kwemayini lokuhlosiwe kanye nesikhatsi sako
• kute kungcola nobe umonakalo longakavumeleki lotoyenteka kusimondzawo njengeluchungechunge lwetetimayini
• unato timali naletinye timfanelo teluhlelo lolumisiwe lwetemsebenti netenhlalo
• awuphuli Umtsetfo wa-2002 Wekutfutfukiswa Kwemitfombolusito Yephethroliyamu Netimbiwa (Umtsetfo 28 wa- 2002) (i-MPRDA)
•  kusebenta kwalemayini kuhambisana neMculu Wetimayini.

Lokufanele kutsi ukwente

1. Faka sicelo nge-inthanethi.
2. Khokhela nge-inthanethi imali  yesicelo lengeke ibuyiselwe emuva .
3. Nangabe loluhlelo luyasemukela lesicelo, utokwatiswa kutsi  ungenise luhlelo lwekulawula simondzawo kute kutsi  luvunywe.
4.  Yatisa uphindze ubonane nawo onkhe  bantfu labanenshisekelo kungakapheli tinsuku leti-180  kusukela  ngelusuku kukhishwa simemetelo.

Kutsatsa sikhatsi lesingakanani

• Nangabe sicelo sakho sihlangabetana nako tonkhe tidzingo, umphatsi wesigodzi  utokwatisa ngekukubhalela incwadzi etinsukwini leti-14 kutfolwe lesicelo kutsi sivunyiweyini. Lomphatsi wesigodzi utokutjela kutsi uyobonana nemnikati  wemhlaba, umcashi walomhlaba nabo bonkhe bantfu labatsintsekako.
• Nangabe lesicelo  asikaphumeleli umphatsi wesigodzi utawuncandzekisa lesicelo sibuyele kuwe  kungakapheli tinsuku leti-14.
• Nangabe Indvuna ayivumi kukunika lilungelo  lekuvula imayini, utowatiswa ngekubhalelwa incwadzi,  kungakapheli tinsuku letinge-30, kumele anikete tizatfu tekungavumi sicelo sakho.

Kubita malini

Chumana neLitiko Letetimbiwa mayelana nentsengo.

Emafomu lekumele kutsi uwagcwalise

Ticelo kumele  titfunyelwe nge-inthanethi.

Imininingwane yekutsintsana