Bohle bao e lego Ditsebi tša mošomo wa Bolekodi, Bolekodiši bja Theknolotši, Bolekodi bja tša Theknišene gotee le Bašomi ba Saense ya Tshedimošo ya tša Thutafase (GISc) ba swanetše go ingwadiša le Lekgotla la Afrika Borwa la Mešomo ya Balekodi le ya Sethekniki (PLATO). Balekodi bao ba tlhahlwago go Mošomo wa Theknolotši le wa Theknišene le bona ba ka ingwadiša le PLATO.
O ka ingwadiša bjalo ka:
- Setsebi sa Mošomo wa Bolekodi bja Lefase
- Setsebi sa Bolekodi bja tša Dientšenere
- Setsebi sa Bolekodi bja tša Meepo
- Setsebi sa Bolekodi bja Botšeadiswantšho bja lefaufaung
- Setsebi sa Mošomi wa GISc
- Setsebi sa Bolekodi bja Diswantšho tša ka meetseng
Go ngwadišwa le PLATO bjalo ka Molekodi, o swanetše go tšwelela go ditlhahlobo tša go fapana tšeo di laetšwego, o lefe ditefo tša lekgotla le gore o be o dirile medirwana ya maitemogelo a mošomo.
Hwetša dintlha ka botlalo mabapi le mokgwa wa go ingwadiša, diforomo tša kgopelo gotee le ditefo, mo go websaete ya PLATO goba o leletše Khansele mo go 011 626 1026 goba o romele emeile go office@plato.org.za.
