Ingwadiše le lefelo la Thuto le Tlhahlo ya Batho ba bagolo (AET)

Mabapi le go ingwadiša le lefelo la Thuto le Tlhahlo ya Batho ba bagolo

Naa o motho yo mogolo goba mofsa yo a nyakago go hwetša thuto ya motheo? Ga se wa feta ke nako kudu; o ka ingwadiša le lefelo la Thuto le Tlhahlo ya Batho ba bagolo (AET).

AET ke lenaneo la thuto leo le theilwego go dipoelo leo le ikemišeditšego go go fa ditlabelo tša go ithuta tša motheo, tsebo le bokgoni, le go go fa mangwalo a dithuto ao a dumeletšwego nageng ka bophara.

Motho mang goba mang yo a sego a phetha dithuto tša sekolo tšeo di tlwaelegilego, gomme a nyaka go hwetša mangwalo a dithuto ka tikologong ye e amogelago baithuti go ya ka maemo a bona, a ka ingwadiša le lefelo lefe goba lefe la AET. Mafelo a AET a ka go ngwadiša diteko tša pele ga kamogelo go bona ge eba o maemong a mathomo a AET, a bobedi goba a boraro.

Seo o swanetšego go se dira

1. Ingwadiše lefelong la AET la kgauswi le wena.
2. Tliša setifikeiti sa gago sa matswalo goba pukwana ya boitsebišo le dipego dife goba dife tša gago tša sekolo.

Lebaka la nako

Go ka tšea beke e tee go fihla go tše pedi go ingwadiša.

Go bitša bokae

Ditefišo di a fapana go ya ka lefelo la ngwadišo.

Difomo tšeo o swanelago go di tlatša

O ka hwetša fomo ya ngwadišo mafelong a ABET.

Dintlha tša boikopanyo