Ngwadisa leswao la boitsebiso la phoofolo

Ka ga go ngwadiša leswao la go tlhaola diphoofolo

Ge o na le dikgomo, dinku, dipudi goba dikolobe, go a gapeletšega gore o swaye diruiwa tša gago. O swanetše go dira kgopelo ya tlhaolo ya leswao leo le ngwadišitšwego Kgorong ya Temo Dithokgwa le Boreahlapi. 

Leswao la tlhaolo ya diphoofolo le bontšha gore phoofolo ke ya mang. Ge phoofolo e timetše goba e utswitšwe gomme ya hwetšwa, go tla ba bonolo go hwetša mong wa yona. Leswao la hlaolo le na le ditlhaka tša go se fete tše tharo tša alfapete goba maswo (dipharologanyo).

Maswao a tlhaolo a go ya go ile a bewa diphoofolong ka mokgwa wa go šomiša aene ya go fiša go swaya, leswao la go kgahla goba thatu. 

Ge o reka diphoofolo goba o di hwetša bjalo ka mpho, o swanetše go bea leswao la tlhaolo mo go tšona mo dibekeng tše pedi. Diphoofolo tšeo o di rekišago  le tšona di swanetše go ba le leswao la gago la tlhaolo.

Leswao la gago le bewa lenaneong la semmušo gomme ga go na yoo a ka le šomišago goba a swaya phoofolo ya gago kantle ga tumelelo ya gago.

Ela hloko: O ka se beye leswao la tlhaolo phoofolong ya gago ge o se wa ngwadiša leswao la tlhaolo.

Seo o swanetšego go se dira

• Taonelouta goba o hwetše fomo ya dikgopelo go tšwa go bahlankedi ba katološo, diofisi tša maseterata, yuniti ya bohodu bja leruo ya Tirelo ya Maphodisa a Afrika Borwa goba go tšwa go Mmušakarolo: Tlhaolo ya Diphoofolo Pretoria.
• Reka Ditempe tša Ditseno tša go ja R120 Posong go lefela ngwadišo gomme o di gomaretše mafelelong a fomo moo go laeditšwego.
• Posa selipi sa depositi sa mathomong le fomo ya dikgopelo go:
  Mmušakarolo wa Tlhaolo ya Diphoofolo
  Private Bag X 138
  Pretoria
  0001.
• Goba iša fomo ya dikgopelo go Moago wa Delpen, sekhutlong sa  Annie Botha Avenue le Mokgotha wa Union, Riviera, Pretoria.
• Dira setempe sefapano ka go saena goba go ngwala sefane sa gago, ditlhakapele le tšatšikgwedi mo go yona.
• Ge e se wena o saeneng kgopelo, o swanetše go tliša lengwalo leo le dumelelago mosaeni go tla le fomo ya dikgopelo.

Ngwadišo e bewa Peakanyong ya Retšiatareng ya Setšhaba ya Tlhaolo ya Diphoofolo.

Lebaka

Go ka tšea dibeke tše pedi gore leswao la tlhaolo le ngwadišwe.

E dira tshenyagelo ya bokae

R 200

Diforomo tšeo di swanetšwego go tlatšwa

Application for registration of an identification mark

Fomo e ka hwetšwa gape go bahlankedi ba katološo, diofisi tša maseterata, diyuniti tša bohodu bja leruo tša Ditirelo tša Mapahodisa a Afrika borwa goba go tšwa go Mmušakarolo: Tlhaolo ya Diphoofolo Pretoria

Dintlha tša boikopanyo