Letshwao le le neelwa Maaforika Borwa ka tirelo e e kgethegileng. Tirelo e e abelwang kabo e e kwa godimo ga tiro ya ka gale. Ke kabelo ya seabe se setona mo makaleng a a latelang:
- Kgwebo le ikonomi
- Saense, melemo, le maiteko thekenoloji
- Tirelo ya setšhaba.
Thulaganyo
Letshwao le le neelwa go ya ka maemo a le mararo:
- Maemo a ntlha = Mokanseliri Mogolo wa Letshwao la Baobab (Gauta)
- Maemo a bobedi = Mokanseliri yo o fa Gare wa Letshwao la Baobab (Selefera)
- Maemo a boraro = Mokanseliri wa Letshwao la Baobab (Kgotlho).
Bokao/dielemente tsa botaki
Thotloetso /Bokao
Letshwao le le tlhotlheleditswe ke Baobab e leng setlhare sa Aforika sa boboatsatsi. Tshimologo ya leina Baobab ke karolo ya setso le masaitsiweng a Aforika. Se tlhalositswe go le gantsi go feta ditlhare tse dingwe mo Aforika, gareng ga tse dingwe, go tia ga sona, le boleng jwa sona mo Maaforikeng. Boitshoko le kgotlelelo e setlhare se se e supang fa se gola bo supa tirelo e e boitshoko e e manontlhotlho go Aforika Borwa e e neelwang ke Letshwao le. Ka yona tsela eo, tirelo e e rebolwang e sa ntse e netefatsa maemo a kgolo ya Aforika Borwa a a tswelelang e bile a na le boitshoko.
Baobab ke karolo e e botlhokwa ya tsamaiso ya dimela tsa dikgwa tsa Aforika. E neelana ka lekwati go dira letsela le mogala, maungo go dira dijo le mafura, le ditlhagiswa tse dingwe tsa botlhokwa. Medi e e sephara e e phunyeletsang e tshegetsa setlhare se segolo se se itsegeng jaaka lefelo la dikopano tse dikgolo le tshireletso mo ditšhabeng tsa Seaforika tse di itsetsepetseng ka setso.
Dikarolo
 Betšhe ya molala |
|
|
Le lennye |
Mokgabiso wa tlotlo |
- Baobab (Baobab kgotsa Adonsonia Digitata) – e itsege ka medi ya yona le boleele jwa botshelo jwa yona. Ga e tlamele fela ka moriti le lefelo la dikopano, mme e botlhowa le mo go tshegetseng baagi ba mafelo a e fitlhelwang mo go yona.
- Popego ya matlhakore a robongwe – popego e ya lemorago la matlhakore a le robongwe e supa dikarolo di le dintsi tse di farologaneng tsa seabe le tirelo mo go ageng setšhaba se se atlegang e bile se tswelela pele. Letshwao le emetse gape diporofense tse robongwe tsa naga ya rona.
- Matshwaro a ka fa ntle – Pheleletso ya kamego ya lekwati la Baobab; lekwati le itsege thata ka go dira dimmetshe le dihutshe.
