� Wolseley - Anti-misdaad saamtrek
7 Januarie 2007
Dit is vir my 'n groot voorreg om vandag met u 'n paar gedagtes te wissel
oor misdaad omdat dit in vandag se tye so maklik is om 'n slagoffer te word en
daardeur net nog 'n misdaadstatistiek te word.
Ons leef in 'n gemeenskap waar ons onself omring met mure en doringdraad;
ons leef in �n gemeenskap waar ons onsself toesluit agter tralies en waar die
uitsig wat ons vanuit ons huise het lyk soos die van 'n tronk. Ons strate is
nie meer veilig nie, ons perspektief het totaal verander omdat elke aksie wat
ons doen gemeet word aan hoe veilig dit vir my en my kinders is. Daar is nie
een van ons wat nie of direk of indirek die impak van misdaad op ons lewens
gevoel het of 'n slagoffer was nie.
Misdaad het die norm geword
Ek gee graag 'n kort oorsig oor misdaad statistieke wat in 2006 vrygestel
is. Dit is die nuutste syfers wat ons kon bekom en is amptelike Suid-Afrikaanse
Polisiediens (SAPD) syfers vir die Witzenberg streek:
* Moord: 42
* Verkragting 144
* Poging tot moord: 16
* Aanranding/doel ernstig te beseer: 911
* Algemene aanranding: 849
* Opsetlike saakbeskadiging: 337
* Inbrake: 465
* Dwelmverwante misdaad:1212.
Hierdie syfers is egter nie die ware prentjie nie. Die algemene verwagting
is byvoorbeeld dat slegs sowat 50% van verkragtings en poging tot verkragting
aangemeld word. Benewens die fisiese trauma van verkragting of 'n aanval, is
een van die ergste gevolge van sulke misdade vir Suid Afrikaanse vroue die
herbevestiging van die persepsie dat vroue, en spesifiek meisies, swak
slagoffers en maklike teikens vir mishandeling is. Daar is bereken dat misdaad
die land ongeveer R30 miljard 'n jaar kos wat �n astronomiese bedrag is wat
eerder ander belangrike prioriteite vir die land se ontwikkeling kon
befonds.
Die misdaad agter ons ho� mure
Terwyl dit lyk asof misdaad op straat 'n afname kan beleef is daar kommer
oor die misdaad wat in ons huise afspeel agter ons ho� mure en waarvoor die
gemeenskap sy o� sluit en daarmee stilswyend goedkeuring verleen.
Hiervan bly kindermishandeling waarskynlik een van die mees skokkendste.
Skrikwekkend is dat in 83% van hierdie gevalle ken die slagoffers die
oortreders. Weer eens wys statistieke dat slegs 15 uit 100 gevalle aangemeld
word. Die mishandeling van kinders word beskou as misdaad wat nie raakgesien
word nie en dit lyk asof die gemeenskap sy gevoel van omgee verloor het. Daarom
is hierdie inisiatief soveel te meer belangrik want dit lyk asof die gemeenskap
in die geval nie sy kinders vergeet nie.
Duisende vroue en kinders word aan geweld en seksuele misbruik in hul eie
huise onderwerp. Dikwels is dit juis diegene wat die naaste aan hulle is wat
die kinders en of vrouens mishandel en verneder.
Die provinsiale regering doen sy deel
Die provinsiale regering van die Wes-Kaap sit nie op sy louere en verwag dat
ander organisasies moet inspring en help om slagoffers by te staan en te
ondersteun nie. Daar is veel eerder �n interaksie tussen regeringsdepartemente,
nie-regeringsorganisasies, kerkorganisasies en belangegroepe wat almal tot 'n
mindere of meerdere mate inspring om die lot van slagoffers te verlig en
bystand te verleen waar nodig.
Dit is een van die redes waarom die Wes-Kaap en die nasionale Departement
van Onderwys programme in ons skole aanbied om jong dogters toe te rus met
selfverdedigingsvaardighede om terug te kan slaan. Die Slaan Misdaad Hokveldtog
verminder nie net die kanse dat vrouestudente aangeval sal word nie, maar
spreek ook die wanindruk aan dat vroue en meisies hulleself nie kan verdedig
nie en magteloos is. Ons kinders moet geleer word dat mishandeling nie �n norm
is nie, en dat geweld die uitweg van lafaards is wat nie in die gemeenskap
tuishoort nie.
Die Departement van Gemeenskapsveiligheid werk saam met die Departement van
Maatskaplike Dienste om vrywilligers op te lei om met die berading van
verkragting slagoffers te help, en ook om polisiebeamptes in staat te stel om
sulke gevalle op 'n behoorlike en sensitiewe wyse te hanteer.
Voorts het die Wes-Kaapse Onderwysdepartement se projek Veilige Skole 'n
begroting toegewys om veiligheidskomitees by elke skool dwarsdeur die provinsie
in te stel om veiligheidsplanne vir goedkeuring en inwerkingstelling voor te
l�.
Gemeenskapspolisi�ringsforums (GPFs) het 'n groot rol te speel in die
herstel van vertroue en die bou van bande tussen die gemeenskap en die polisie.
Van die projekte wat gereeld deur GPFs aangepak word sluit in:
* Veiligheid by skole veldtog
* Jeug teen misdaad
* Motor beveiligings wagte
* Slagoffer bemagtingsprogramme
* Bou van vennootskappe met die SAPD.
Nuwe moraliteit is nodig
Dit alles gese is dit duidelik dat alles wat gedoen word slegs reaktiewe
stappe is en dat daar �n dieper liggende probleem in die gemeenskap teenwoordig
is. Ons lewe in samelewing wat by die dag agteruitgaan en wat die volgende
simptome het:
* 'n Gebrek aan respek vir menslike lewe
* daar is 'n afname in beheer van ouers van hul kinders
* daar is 'n gebrek aan gesag en gesagstrukture
* misdaad en korrupsie
* misbruik van alkohol en dwelms
* misbruik van vroue en kinders en ander weerlose lede van ons gemeenskap
* 'n Gebrek aan respek vir ander mense en hul eiendom
* 'n Algemene benadering van selfgesentreerdheid en �n gebrek aan omgee vir
andere.
Wat egter kommerwekkend is, is dat ongeveer 3 000 jongmense per maand in die
Wes-Kaap gearresteer word. 50% van ons leerders verlaat die skole vroeg wat nie
help om die werkloosheid wat tans op 26,8% staan te verlig nie.
Iemand het eenkeer ges� dat as 10% van mense rooi lig verontagsaam dan word
dit 'n norm en word dit 'n algemene gebruik. Geen regering - op watter sfeer
ookal - kan alleen die taak aanpak om mense weer op die regte pad te bring nie.
Wat ons nodig het is 'n morele herlewing waartoe elke individu homself verbind
Oud President Mandela het gepraat van 'n RDP van die siel.
Moraliteit hou die sleutel tot 'n gesonde gesinslewe, en 'n gesonde
gesinslewe is die sleutel tot soveel goed waarna ons streef, soos suksesvolle
opvoeding, 'n misdaadvrye samelewing, standvastige en vredeliewende
gemeenskappe - om maar 'n paar te noem. Elkeen van ons moet vandag persoonlik
onderneem om 'n verskil by ons huise te maak. Ons moet ons houdings, ons
waardes en ons sedes ondersoek.
Daarom het die regering begin met veldtog van morele hernuwing en het ons
juis in die Wes-Kaap al verskeie werkswinkels gehad oor die morele hernuwing
wat so nodig is - ook in ons eie gemeenskap.
Ons het 'n nuwe moraliteit nodig op elke terrein van ons lewe want ons het
'n samelewing geword wat sy o� gesluit het vir die lot van diegene rondom ons,
ons het 'n samelewing geword wat die materiele jaag en nie omgee wie in die
proses seerkry of benadeel word nie. Ons het samelewing geword wat hul oe sluit
vir die seer van 'n kind wat mishandel word en ons het 'n samelewing geword wat
diegene verwerp wat MIV/Vigs onder lede het.
Ek wil graag ook in die verband waardering uitspreek teenoor die
vrywilligers in die Gemeenskapspolisi�ringsforums wat onvermoeid werk, saam met
die SAPD, om die ideaal van 'n misdaadlose gemeenskap te vestig.
Dit is inisiatiewe wat uit die gemeenskap kom wat 'n instrumentele rol kan
speel in die herstel van vertroue tussen die polisie en die gemeenskap.
Projekte wat in vennootskap tussen die gemeenskap en die SAPD plaasvind sal
ongetwyfeld bydrae daartoe om misdaad te beperk en ons omgewings weer leefbaar
en vry van kriminele aktiwiteite te maak.
Navrae:
Alie van Jaarsveld
Cell: 084 604 6701
Issued by: Ministry of Agriculture, Western Cape Provincial Government
7 January 2007
