Gold Mametja
[Tinsiva ta Mapungubwe, Ximuwu, Swinakulobye swa OR Tambo, Luthuli na Nkhaviso wa Mendi wa Xitiyanhlana]
Gold Mametja u na vito ro kateka leri ri seketelaka talenta ya yena. Tidizayini ta yena ti hlawuriwile exikarhi ka vunyingi bya tidizayini tin’wana leti rhumeriweke endzhaku ka loko GCIS yi rhambe vadizayini va swin’wetsin’wetsi ku rhumela tidizayini ta Tinsiva ta Rixaka letintshwa.
Tsalwavutomi ra yena i nxaxamelo wo leha wa swifikeleriwa kusukela loko a suke eTechikon Witwatersrand. Leswi swi katsa ntlhandlamano wa tidizayini eka Afrika-Dzonga ya xibindzu ku katsa na timendlele ta nsuku to tsundzuka ta Comrades Marathon.
Hi rito ra le hansi na ku tiveka ehansi, u titwa leswaku ku tirha eka Tinsiva ta Rixaka a ku ri: ‘Nchumu wa kahle swinene lowu nga tshama wu humelela eka mina. Hi ku ndzi pfumelela ntsena ku endla tidizayini leti, i sagwati lerikulu swinene leri tiko a ri ta ndzi nyika rona’. Mametja u tirha tanihi mudazayini wa le femeni eka CSIR ePitori. U tshama eKempton Park na nsati wakwe na vana vambirhi.
Gareth Smart
Gareth Smart u titumbuluxile tanihi mudizayini eka tipulatifomo ta vundzeni to tala to hambanahambana kusukela loko a hetile Digiri ya BA ya Dizayini ya Swifaniso eMidrand Graduate Institute. Nkongomiso wa yena a ku ri Swihangalasamahungunyingi swa 3D. Photifoliyo ya yena leyi vumbiweke hi xinkadyana yi kombisa nxaxamelo wo tiya wa titlilayente ta tikhamphani.
Eka yena a ko va ‘xivandlanene xa vutomi hinkwabyo’ ku hlawuriwa ku dizayina Risiva ra Rixala lerintshwa. U tshama ePitori laha a korhokelaka swidingo swa titlilayente tanihi mudizayini wa swifaniso wo titirha, muendli wa tipopayi na minongoti.
