UNongorwana lo unikelwa izakhamuzi zeSewula Afrika ezisebenze kuhle nangepumelelo ehle khulu.
Ikambiso Akhutjhwa Ngayo
UNongorwana lo anganikelwa emikhakheni emithathu:
- Umkhakha woku-1 = UNongorwana we-Mapungubwe wePlatinamu (Platinum)
- Umkhakha wesi-2 = UNongorwana we-Mapungubwe weGolide
- Umkhakha wesi-3 = UNongorwana we-Mapungubwe weBhronzi namkha weThusi.
AmaTshwayo/ izakhi zokutlama
Itshwayo elikhulu /ukusetjenziswa kwamatshwayo
Mapungubwe: Isizwe se-Mapungubwe sasinzinze ngetlhagwini yelizwe lethu esikhathini esiminyaka eyikulungwana eyadlulako. Isizwesi sasinerherho lokubusa elinamano anobuhlakani obusebujameni bephasi begodu zokulima bezithuthukile. Godu sathuthukisa ibubulo leemayini nelobunjiniyera besimbi. Isizwesi sasirhwebelana namazwe wangaphetjheya afana ne-China. Ngesikhathi saso, sasijamele ukwenza kuhle komkhumbulo womuntu nobuhlakani bokutlama.
Izakhi
- Amakhona amane wephasi – alitshwanyo lepumelelo yeSewula Afrika iphasi zombelele.
Ibheji yentanyeni
I-Miniature
I-Lapel rosette
- Ilanga eliphumako – ukusa okutjha okubuya e-Afrika.
- UmBundu weMapungubwe – wakha isendlalelo, umbundu wamatje aqephukako ebuthelelweni ledaka lamatje asendaweni eseqadi kweendawo ezitjhisa khulu nalapho izulu liyindlala khona. Ukwemba kwatjengisa bona ukwenza kuhle kwanda kuphuma kibo boke ubujamo bemvelo.
- Ubhejani we-Mapungubwe – yinto eyaziwa khulu eyenziwe mumuntu eyatholakala ethuneni endaweni eyenjiwako, isithombe segolide esenziwe magega nesibumbi esikhulu, okuvamise ukuba sigodo esibaziweko, ekubufakazi bokwenza kuhle ekukghoneni komuntu okukhona ebuKhosini.
- INtonga yeSizwe se-Mapungubwe – ephuma epotweni yegolide encilibika ngemahlangothini womabili, enye yezinto ezibunjwe mumuntu ezitholakala ethuneni endaweni eyenjiwako.
- Ipoto yegolide encibilikako ekghatjisiweko – imihlobo esisekelo eyenziwe ngezinto ezimbili eziqaleneko epotweni yegolide ezele iphuphuma etjengisa ubunengi bokwenza kuhle, isayensi nokutlama, okubufakazi bepumelelo yemandulo ebubulweni lobunjiniyera besimbi.
- Indawo etjhisako – izinto zokuhlanza nezibulunga ipilo yomlilo, ezasetjenziswa ukuthoma ngesiKhathi seSimbi (lapho abantu bebaziphilisa ngokuzuma nokuthiya), ngomnqopho wokuragelisa phambili ituthuko nokwenza kuhle emiphakathini.
