UNongorwana wabaLingani bemaZweni baka-OR Tambo

UNongorwana lo unikelwa izakhamuzi zemazweni wangaphandle (iinHloko zaboRhulumende nezemiBuso) kanye neemphathiswa zangaphandle eziphezulu. Unikelwa ngebanga lobungani obunikelwe iSewula Afrika. Ngalokho nguNongorwana wokuthula, ukubambisana kanye nokuzwakalisa ukuzwelana nesekelo. UNongorwana lo ubumba isika eqakathekileko yetjhebiswano leentjhabatjhaba kanye namazwe wangaphandle ambalwa.

Ikambiso Akhutjhwa Ngayo

UNongorwana lo anganikelwa emikhakheni emithathu:

• Umkhakha wokuThoma – umLingani wezinga eliPhakemeko ka-OR Tambo (weGolide)
• Umkhakha wesiBili – umLingani omKhulu ka-OR Tambo (weSiliva)
• Umkhakha wesiThathu – uNongorwana womLingani ka-OR Tambo (weBhronzi namkha weThusi).
• Boke aboNongorwana bafaka izakhi ezine: idondolo lokudondoloza, ibheji yentanyeni, i-miniature kanye ne-lapel rosette.

AmaTshwayo/ izakhi zokutlama

Itshwayo elikhulu /ukusetjenziswa kwamatshwayo

U-OR Tambo: U-OR Tambo wabamba indima ekulu ekukhulisweni nekuthuthukisweni kwehlangano yeentjhabatjhaba yokuzwelana ebeyilwisa ukubandlulula ngokobutjhaba nebandlululo. Hlangana nokhunye, wavula ama-ofisi wobuZenda wokuthoma e-Egypt, e-Morocco, e-Ghana ne-London. Lokhu kwaba kuthoma kancani kokuhlanganiswa kwabangani beSewula Afrika ndawonye iphasi loke ngokubuthelelwa okuragela phambili nokusekelweko komphakathi weentjhabatjhaba ngomnqopho wokusekela iSewula Afrika etjhaphulukileko neyentando yenengi begodu nokulwisana nobumbi bokubandlulula ngokobutjhaba, ukuphatha ngegandelelo nombuso weBandlululo.

U-Majola (inyoka ebizwa ngenkwakhwa sitjhaba samaXhosa kodwana kebakwaMajola, ithathwe njengomzimu obizwa Majola): Yinyoka ethathwa njengomzimu wakwaMajola ovakatjhela amasana. Ayinabungozi esaneni namkha emalungeni womndeni begodu indlela ehle nenobuntu yokuyiqotha kukobana unina lesana ayirhatjhe ngomkghado. Ivakatjhela isana ngomnqopho wokulilungiselela ipilo yobudala nenepumelelo. Iza njengomngani nomvikeli. Ubungani ebuzwakalisako abukadzimeleli esitjengisweni esihle sobungani kodwana ukuzwakaliswa kokuzwelana kanye nokulwela ukusekela amalunga nokukhuthaza ipumelelo yesikhathi eside yabatjha kanye namalunga andako wesitjhaba sabantu. Inyoka le kuyakhulunywa ngayo emlandweni nemasikweni wabantu abaNzima nebendabuko, kanti-ke incwadi engelimi lesiXhosa eyatlolwa sisazimtloli u-AC Jordan yesihloko esithi: Ingqumbo Yeminyanya (ngesiNdebele esingathi ithi: Ilaka Lamadlozi) iyihlathulula kuhle indaba le. Lencwadi eyindaba ecocwako ithathela phasi namkha iphikisana nomqondo wokobana inyoka sesirhurhubi esinetjhefu kwaphela begodu singesokuqhotjozwa ihloko. Esikhundleni salokho iletha ihlathululo ngokwesintu mayelana nokuqakatheka kwenyoka le emaphilweni nesikweni labantu abaNzima, khulukhulu njengombana ithathwa njengesithunywa sabezimu.

Izakhi

1. Idondolo lokudondoloza – libazwe ngesigodo esinzima sendabuko, litshwayo lokuthabela isekelo nokuzwelana okutjengiswako okufana nokuzibophelela ekusekeleni kanye nokusekela komamukeli.
2. U-Majola - Ilihlo eliqalileko elinamahugu ngaphezulu nangaphasi litjengisa ukuvunywa kokuzwakaliswa kokuzwelana nesekelo elinikelwa iSewula Afrika.
3. I-tomoye yeengaba ezine – isungulwe yindlela yokukhuluma yeentjhabatjhaba yezinto eziphikisanako (i-ying ne-yang) ezikhuluma ngendawo yokubambela imihlangano yamandla wommoya.