Kutalwa kwentsandvo yelinyenti lengakhetsi ngekwelibala nangekwebulili eNigizimu Afrika kwenta kutsi kubuketwe ngeliso lelibukhali inchubo Yemiklomelo Yavelonkhe. Inchubo lendzala Beyinemhlobiso munye Nemiklomelo lemine, kumelelwa ngetimphawu kwayo bekukhombisa limuva.
Ngekufuna kusuka kulimuva, ngeNkhwenkhweti ya-1998, Libandla lebelisandza kusungulwa Lekweluleka Mengameli macondzana Nemiklomelo Yavelonkhe laniketwa umsebenti nemtfwalo wekubuketa inchubo Yemiklomelo Yavelonkhe. Kute kwentiwe lomsebenti, kwemiswa likomidi lelicala umsebenti lomkhulu tinchubo tekucwaninga letafaka ekhatsi kubonisana nesive, kubamba tingcogco nalabatsintsekako ezingeni lavelonkhe, tingcoco temacembu kubukwe letinye tinchubo letingasetjentiswa, kwentiwa kwelucwaningo lwetemlandvo nekucokelelwa kwemicwebo nalabadizayina timendlela letinsha kulandzelwa imiyalelo yekudizayina.
Ngaphandle kwalenchubo Litiko Letebuciko, Emasiko, Isayensi Netebucwepheshe kubambisene Nelitiko Letekuchumana laHulumende Nenchubo Yetekwatisa laphenya ngalokuchubekako letinye timphawu nalokumelelwe timphawu ngemetamo yekutfola ingonyuluka yalokujabulisako lokutawukhombisa umoya welive lelisha. Iphaneli yetifundziswa nabompetha leyati kakhulu ngetimphawu temdzabu yacelwa kutsi itfole emaciniso labalulekile netakhi letikhombisa umlandvo lobutselwe ndzawonye futsi lohlanganisile nebukadzebona be-Afrika ngeNingizimu njengesigaba lesibalulekile sekutsatsisela. Umphumela walenchubo lohlanganise konkhe kwaba kuphuma kwemyalelo wekudizayina Imiklomelo Yavelonkhe lemisha.
Lokucuketfwe
INingizimu Afrika seyihambe Libanga lelidze kusuka kulimuva layo lekukhetsa/bandlulula ngekwebulili, libala nenkholo. Lelive nguloku belihamba kancane letsatsa luhlangotsi lwekucinisekisa buntfu betfu. Kuloluhambo loluya kubuntfu, lisiko lelisha lemalungelo ebantfu nekuhlonipha sitfunti semoya wemuntfu sekube timphawu/yimikhuba yeNingizimu Afrika.
Sinye setikhatsi lesikhonjiswa timphawu saloluhambo lolukhulu lolusuka kulimuva kwaba kuphephisa kwemjeka lomusha nga-1994. lesikhatsi lesi sacinisekisa ligcabho nesitfunti selive lelisasombululeka nekugubha umkhosi webuntfu. Lokunye kwaba kwembulwa Kweluphawu Lwesive mhlaka 27 Mabasa 2000 lokwemukela kwabonakalisa ingonyuluka yemlandvo lohlangene webantfu balelive. Ngekwenta njalo, kujabula lokusha lokucabangela i-Afrika netimphawu takhe taba yincenye yelisiko lelisha lelive kutalwa kabusha KweNingizimu Afrika.
Lemiklomelo Yavelonkhe lemisha yentiwe ngalomoya wekutalwa kabusha.
