Umklomelo Wekuhlonipha weBangani ba-OR Tambo beMave Wangaphandle

Lomklomelo weKuhlonipha uklonyeliswa Bantfu Bangaphandle (Baholi beMave naHulumende) naletinye tingcukumba talamanye emave. Uklonyeliswa bungani lobuniketwa iNingizimu. Ngako-ke ngumklomelo wekuthula, kubambisana nekukhombisa ngalokunemndlandla kutetfula nekubambisana nekwelekelelana. Lomklomelo weKuhlonipha ufaka ekhatsi insika lebalulekile yebudlelwane bemave emhlaba nebemave ngekwehlukana.

Indlela Yekuklomelisa

Lomklomela weKuhlonipha unganiketwa ngemikhakha lemitsatfu:

• Umkhakha we-1 = Bangani Labukhulu ba-OR Tambo (weLigolide)
• Umkhakha we-2 = Bangani Labakhulu Kakhulu ba- OR Tambo (weSiliva)
• Umkhakha we- 3 = Bangani ba-OR Tambo (weLitfusi).

Yonkhe lemiklomelo ifaka ekhatsi tincenye letine: ludvondvolo, simendlela sasentsanyeni, simendlela lesincane kakhulu nerozi yempheco.

Lokukhonjiswako/tincenye tekudizayina

Luphawu lolusemkhatsini/kufanekisa ngeluphawu

OR Tambo: OR Tambo wadlala indzima lebaluleke kakhulu ekutfutfukeni kwemshuco wemave angaphandle wekubambisana ekulweni nekukhetsa neLubandlululo. Emkhatsini walokunye, wasungula Emamishani ekucala lalwela inkhululeko eGibithe, Morocco, Ghana naseLandani. Loku kwaba sicalo lesihle sekuhlanganisa ndzawonye bangani beNingizimu Afrika mhlaba wonkhe ngendlela lechubekako nalesimeme yemmango wemhlaba, kwesekela nekuvikelwa iNingizimu lekhululekile neyentsandvo yelinyenti  ebubini bekukhetsa, kucindzetela neLubandlululo.

Majola (inyoka yemvukutane): inyoka levakashelwa tinswane uma tibelekwa. Ayitilimati letinswane nobe emalunga emndeni futsi indlela yinye lenhle yekuyisusa kutsi lomake ayekhamele ngelubisi lwelibele lwakhe. Ivakashela loluswane kute kutsi ilulungiselele imphumelelo nemphilo yebudzala lephephile. Ita njengemngani nemvikeli. Lobungani lebukhombisako abukhonjiswa ngebunono benhlitiyo lenhle/lucolo kepha ngekutetfula lokunemndlandla bekuba munye futsi lobulwela kwelekelela nekukhutsata imphumelelo yesikhatsi lesidze kwemalunga ebantfu labancane futsi labakhulako. Lenyoka iphila etinganekwaneni tase-Afrika ngenca yenganekwane yelikhetselo lebhalwe ngesiXhosa yesihloko lesitsi: Ingqumbo Yeminyanya (Lulaka Lwemadloti) ibhalwe ngu-AC Jordan. Lenganekwane igucula lomcondvo lokhona wekutsi imane iyintfo-nje lenesihlungu futsi ingenisa kuhumusha lokubanti kwase-Afrika lokuvisisa inyoka njengemngani nelilunga lebudlelwane lobusemkhatsini wetilwane netitjalo letehlukahlukene.

Kuhleleka

1. Ludvondvolo – lubatwe, ngelugodvo lwemdzabu, lolumnyama, loluphawu lwekutfokotela kusitwa nekubambisa/kuba munye lokukhonjisiwe, nangalokunjalo kutimisela ekusiteni nekuma nalowemukelako.
2. Majola – liso lelibukhali lelinemahhuka ngetulu nangaphansi, kukhombisa kwemukelwa/kunakwa kwekukhombisa bunye nekusitwa ngalokunemndlandla kweNingizimu Afrika.
3. i-tomoye yetinhlangotsi letine – ikhutsatwa wekufanana nekuphikisana lolukhuluma ngetindzawo tekubambela imihlangano yemimoya leyehlukene.