Lomklomelo weKuhlonipha uklonyeliswa takhamiti taseNingizimu Afrika letente kahle kakhulu kumkhakha wetebuciko, emasiko, temibhalo, umculo, tebuntsatseli netemidlalo.
Indlela Yekuklomelisa
Lomklomelo weKuhlonipha ungaklonyeliswa ngemikhakha lemitsatfu:
- Umkhakha we-1 = Ligolide
- Umkhakha we-2 = Isiliva
- Umkhakha we- 3 = Litfusi.
Kufanekisa ngetimphawu/Tincenye tekudizayina
Luphawu lolusemkhatsini/kufanekisa ngetimphawu
Sitjalo se-Ikhamanga (Strelitzia) sikhombisa buhle lobehlukile bekuzuza kwemadvodza nabomake labaphakamisela etulu iNingizimu Afrika lemabalabala kumikhakha yekuticambela, tebuciko, temasiko, umculo, tebuntsatseli netemidlalo.
Kuhleleka
|
Ibheji yasentsanyeni |
|
|
(Simendlela) lesincane kakhulu |
Irozi yempheco |
- Tinhloko te-Lydenburg – (buciko) – inhloko ye-terracotta imelele tebuciko letibukwako, letakhiwako, tekudlala nemdlalo.
- Sigubhu sase-Afrika – sikhona kuwo onkhe emasiko futsi simelele emasiko, sisho lithalenta lelihle kakhulu kutekuchumana nekugubha umkhosi wetemasiko.
- Sichova/lilanga – lomchele usho sidlodlo lesinetinsiba lesigcokwa ngulabadlala tebuciko, basebukhosini/esigodlweni nebantfu labahloniphekile. Lemisebe yelilanga, lekhombisa emandla, ludvumo, kukhanya nekuba nemndlandla, imelele kuzuza kwebadlali betebuciko emkhakheni wetebuciko letibukwako.
- Lokusamacandza nobe iminyele lokungekhatsi – (ludvumo kutemidlalo) – kusho kubonwa/kwemukelwa kwemphumelelo lenhle kakhulu ngalokwecile kumisebenti leyehlukene yetemidlo nemasiko
- Imigwaco – (inzuzo nemphumelelo) – ikhombisa yonkhe imigwaco leya e-Afrika nalapho kudzabuka Bantfu bakhona, lokugcizelela indlela lendze leya ekuphumeleleni, kwenta kahle kakhulu nemphumelelo.
