Tshiala tsha Ikhamanga
Tshiala itshi tshi ṋewa vhadzulapo vha Afrika Tshipembe vhe vha shuma nga vhukoni kha vhutsila, mvelele, muzika, vhuanḓadzamafhungo na mitambo.
Nzudzanyo
Tshiala itshi tshi ṋewa kha khethekanyo tharu:
- Khethekanyo 1 = Musuku
- Khethekanyo 2 = Siliva
- Khethekanyo 3 = Bronze.
Tsumbedzo nga Tshiga / tshivhumbeo
Muhumbulo wa Vhuṱhogwa/Tsumbedzo nga Tshiga
Tshimela tsha Ikhamanga (Strelitzia) ndi tsumbo yavhuḓi ya zwe zwa swikelelwa nga vhanna na vhafumakadzi vhane vha penyisa Afrika Tshipembe kha zwa vhutsila, mvelele, muzika, vhuanḓadzamafhungo na mitambo.
Zwiga
|
Tshiangaladzi |
|
|
Tshifanyiso tshiṱuku |
Luvha ḽa Khororo |
- Ṱhoho dza Lydenburg – (vhutsila) – ṱhoho ya luvhundi ndi tsumbo ya vhutsila, mitambo ya tshiteidzhini, na ḓirama.
- Ngoma ya Afrika – ndi ya ndeme kha mvelele dzoṱhe nahone yo imela vhukoni siani ḽa vhudavhidzani na u pembelela mvelele.
- Ḓuvha – khare yo imela muṅadzi wa mithenga u ambarwaho nga vhatambi, vhakololo na vhathu vhaḓivhalea. Masana a ḓuvha, ane a vha tsumbo ya maanḓa, vhuḓivhalea, tshedza na vhutshilo, o imela vhatambi masiani o fhambanaho.
- Zwitengeledzi kana mikano – (zwikhoḓo kha mitambo) – zwo imela u pembelelwa ha tswikelelo dzo khetheaho kha mitambo ya fhambanaho.
- Dzibada – (tswikelelo na mvelaphanḓa) – zwi sumbedza nḓila dzoṱhe dzi yaho Afrika na Vhubvoni ha Vhathu, zwine zwa vha tsumbo ya lwendo lulapfu, lu vhavhaho lu yaho kha vhukoni na mvelaphanḓa.
