Risiva ra Luthuli
Risiva leri ri nyikiwa vaakatiko va Afrika Dzonga lava va hoxeke xandla swinene eka nyimpi yo lwela xidemokirasi, timfanelo ta ximunhu, ku aka rixaka, vululami na ku rhula na xitshunxo xa madzolonga.
Malulamiselo
Risiva leri ri nyikiwa hi mikhetekanyo yinharhu:
- Nkhetekanyo wa 1 = Nsuku
- Nkhetekanyo wa 2 = Silivhere
- Nkhetekanyo wa 3 = Koporo
Vuyimeri/swiphemu swa dizayini
Xikhavisokulu/vuyimeri
Ribye ro mpun’we ro tiyela ra tinhla tinharhu ri yimela xitirho xa masungulo xa ku tihanyisa lexi a xi tirhisiwa khaleni ka khaleni hi vakokwa va vakokwa va hina, ku yevula swiharhi, ku aka tindhawu to tshama, na ku tsemelela madzovo ku endla swiambalo.
Ri yimela xivono xa sirha Hosi Albert Luthuli – murhangeri wa nyimpi yo lwela ntshunxeko wa nghwazi tlhelo muamukeri muAfrika wo sungula wa Sagwati ra ku Rhula ro Hlawuleka – leswaku vanhu va Afrika va kota ku teka xiave hi vutalo eka nhluvukiso wa vanhu na swa ikhonomi na swa tipolitiki eAfrika-Dzonga.
Swiphemu
|
Beji ya le nhan’wini |
|
|
Xifanisonyana |
Xiluvanyana xa baji |
Ribye ra mpun’we ro tiyela
- Xintshabyana xa Isandlwana – ri kombisa ku rhula na ku mphyuphyo endzhaku ka Nyimpi ya Isandlwana ya 1879.
- Mujeko wa Afrika-Dzonga – wu yimela ku fika ka ntshunxeko na xidemokirasi.
- Thekinoloji – yi tshikilela nhluvukiso eka swimakiwa swa thekinoloji ya le henhla.
Mbita ya Vumba ya Afrika
- Timhondzo timbirhi – ti seketela xivono xa Afrika-Dzonga ya xidemokirasi, leyi nga yiki hi rixakanghohe na ku va leyi nga yiki hi rimbewu eAfrika-Dzonga.
- Phetheni ya yingwe – yi yimela xidlodlo xa mfungho xa Hosi Luthuli.
- Vuhlalu – nkhaviso lowu wu yimela vuxongi bya Afrika, kasi nkunzi ya Afrika yi yimela havexerisamatimba na ku humelela ka vanhu va Afrika
