Gold Mametja
[Umklomelo weKuhlonipha weMapungubwe, Umkhomo (Baobab), Bangani ba-OR Tambo beMave Wangaphandle, Luthuli kanye neMklomelo weKuba neSibindzi we-Mendi]
Gold Mametja uneligama lelinenhlanhla sibili lelisisekelo semathalenta akhe. Emadazayini akhe akhetfwe emkhatsini walamanye emadizayini lamanyenti langeniswa ngemuva kwekutsi i-GCIS imeme bonkhe labadizayina bucwebe kutsi bangenise emadizayini abo eMiklomelo yeKuhlonipha yaVelonkhe lemisha.
Umlandvomphilo wakhe luhlu loludze lwetintfo latizuzile kusukela ahamba eTechnikon Witwatersrand. Loku kufaka ekhatsi luchungechunge lwemadizayini kutemabhizinisi eNingizimu Afrika kufaka ekhatsi imigcala yeligolide yekukhumbula i-Comrades Marathon.
Akhuluma ngelivi lelipholile nangemahloni, utivela kutsi kusebenta ngaleMiklomelo yeKuhlonipha yaVelonkhe: 'bekuYintfo lenhle kakhulu leyake yenteka kimi. Ngekungivumela nje kutsi ngente lamadizayini, ngumklomelo lomkhulu kakhulu lelive lakitsi lelingangipha wona'. Mametja usebenta njengedizayina yetekuhweba e-CSIR ePitoli. Uhlala eKempton Park nemkakhe kanye nebantfwababo lababili.
Gareth Smart
[Umklomelo weKuhlonipha Ikhamanga]
Gareth Smart utisungule njengedizayina etinkhundleni letinyenti kusukela aphotfula ticu takhe te-BA Degree in Graphic Design eMidrand Graduate Institute. Tifundvo takhe betigcile kakhulu ku-3D Multimedia. Iphothifoliyo (ligcogco lemisebenti) yakhe ikhombisa luhlu lolunemandla lwemaklayenti etebhizinisi lolwentiwe ngesikhatsi lesincane.
Kuye loku kwaba 'litfuba lemphilo yakhe yonkhe' kutsi akhetfwe kutsi adizayine Imiklomelo yeKuhlonipha yaVelonkhe lemisha. Uhlala ePitoli wenetisa tidzingo temaklayenti njengemuntfu losebentela emaklayenti, lotisebentako nje-graphic designer, i-animator kanye ne-conceptualist.
