Khuliso ya Mendi ya Vhuhali

Khuliso iyi i ṋewa vhadzulapo vha Afrika Tshipembe vho sumbedzisaho vhuhali ha u phulusa vhaṅwe awe zwa sia vhutshilo havho vhu khomboni, kana vhe vha lovha vha tshi khou phulusa vhaṅwe, kana vhe vha phulusa thundu, ngomu shangoni kana nnḓa ha Riphabuḽiki ya Afrika Tshipembe.

Nzudzanyo

Tshiala itshi tshi ṋewa kha khethekanyo tharu:

• Khethekanyo 1 = Musuku
• Khethekanyo 2 = Siliva
• Khethekanyo 3 = Bronze.

Tsumbedzo nga Tshiga / tshivhumbeo

Muhumbulo wa Vhuṱhogwa /Tsumbedzo nga Tshiga

Tshiṱangu, tsho itwaho nga mukumba wa phukha, nga maanḓa kholomo, tshi a sukwa tsha paṱekanywa na tshibveledzwa tsha tshitengeledzi na tshifaro tsha khuni. Thonga na pfumo zwi kha tshiṱangu, tshine tsha ṋewa vhadali vha ḓaho shangoni ḽashu u bva ḽifhasini ḽoṱhe, nahone vha ṋewa tshiṱangu itshi sa tsumbo ya vhukonani.

Zwiga

Tshiṱangu

1. SS Mendi – yo imela vhuhali ha maswole manzhi a vhathu vhatswu na vhaofisiri vhavho vha makhuwa vhe vha mbwandamela vha nwela khothe na tshikepe tsha SS Mendi. Tshikepe tsho mbwandamela nga murahu ha u kuḓiwa nga SS Darro tsha ṱoḓa u paḓuwa nga vhukati maḓini a rotholaho a English Channel tsini na Isle of Wight nga 21 Luhuhi 1917. Vho vha vhe nḓilani ya uya France u thusa Britain tshifhingani tsha Nndwa ya u Thoma ya Ḽifhasi.
2. Blue crane(tshiṋoni) – u fhufha ha blue crane lwanzheni nṱha ha SS Mendi ndi tsumbo ya mimuya ya maswole vhe vha nwela khothe. Mithenga ya blue crane yo vha i tshi shumiswa u pfufha vhahali vha mmbi tshifhingani tsha nndwa dza musi hu tshi lwiswa makhuwa vhe vha vha vha tshi ṱoḓa u dzhiela vharema shango ḽavho.
3. Green emerald(tombo ḽidala ḽa ndeme) – hune zwiga zwiraru zwa bva hone ndi tsumbo ya nḓila ine ya vha phanḓa siani ḽa u thusa vha ṱoḓaho thuso musi hu na mitshinyalo ya mupo na zwiṅwe zwi konḓaho zwine zwa itea tshifhinga tshoṱhe ḽifhasini.

Tshivhumbeo tsha tsinde

4. Ndau – sa tshiga tsha lunako, maanḓa na vhuhali, i sumbedziswa nga vhuṱala hayo tsini na nga matungo ha tsinde. Hezwi zwi sumbedza tsireledzo ya mukaṋoni shangoni ḽashu na nga nnḓa ha shango, nga vhahali vho ḓiimiselaho vha Afrika Tshipembe. Zwiga zwiraru zwa fhethu zwi sumbedziswa nga u ṱangana ha maluvha a tshikhopha, tshine tsha vha tsumbo ya tshimela tsha Afrika Tshipembe tshine tsha sumbedzisa u konḓelela, u tshila na u vha mushonga u thusaho.
5. Thonga na pfumo – zwi khwaṱhisedza tshiṱangu sa zwiga zwa tsireledzo na khuliso.