Kgau ena e fuwa baahi ba Aforika Borwa ba bileng le seabo se seholo ntweng ya ho tlisa demokerasi, ditokelo tsa botho, ho bopa setjhaba, toka le kgotso le tharollo ya mathata.
Tlhophiso
Kgau ena e ka ajwa ka mekgahlelo e meraro:
- Mokgahlelo wa 1 = Gauta
- Mokgahlelo wa 2 = Silifera
- Mokgahlelo wa 3 = Lethose
Botshwaedi/Dintlha tsa moralo
Mookotaba wa sehlooho
Lejwe le kgutlotharo leo e neng e le sesebediswa sa bohlokwa se neng se sebediswa ke baholoholo ho buwa diphoofolo, ho aha metlotlwana le ho suwa makoko a diphoofolo ho etsa diaparo.
Le emetse tjhebelopele ya Morena Albert Luthuli – moetapele e moholo wa ntwa ya tokoloho ebile e le moamohedi wa pele wa moAforika wa Nobel Peace Prize ka 1961 – hore batho ba Aforika ba itahlele ka setotswana ntshetsopeleng ya moruo le dipolotiki Aforika Borwa.
|
Betjhe ya molalelang |
E nyenyane |
E qhwaelwang sefubeng |
Matshwao
Lejwe la moremaphofu
- Thabana ya Isandlwana – e supa kgotso le kgutso kamora Ntwa ya Isandlwana ka 1879.
- Folaga ya Aforika Borwa – e emetse tokoloho le demokerasi.
- Thekenoloji – e toboketsa ntshetsopele ya dihlahiswa tsa boleng bo hodimo.
Nkgo ya letsopa ya Aforika
- Manaka a mabedi – a emetse tjhebelopele ya hae bakeng sa demokerasi, bosiyo ba kgethollo ya morabe le ya bong Aforika Borwa.
- Mebala ya lengau – e emetse mofapahlooho oo e neng e le letshwao la boitsebahatso la Morena Luthuli.
- Difaha – mekgabiso e bontsha botle ba Aforika mme poho ya Aforika e emetse matlafatso le katleho ya batho ba Aforika.
