Kgau ya Ikhamanga

Kgau ena e fuwa baahi ba Aforika Borwa ba ipabotseng makaleng a bonono, botjhaba, dingolwa, mmino, boqolotsi ba ditaba le dipapadi.

Tlhophiso

Kgau ena e ka ajwa ka mekgahlelo e meraro:

• Mokgahlelo wa 1 = Gauta
• Mokgahlelo wa 2 = Silifera
• Mokgahlelo wa 3 = Lethose.
   

Botshwaedi/Dintlha tsa moralo

Mookotaba wa sehlooho

Palesa ya Ikhamanga (Strelitzia) e emetse botle bo tsotehang ba dikatleho tse fihletsweng ke banna le basadi ba phahamisang folaga ya Aforika Borwa makaleng a boiqapelo, bonono, botjhaba, mmino, boqolotsi ba ditaba le dipapadi.

1. Dihlooho tsa Lydenburg – (bonono) – hlooho ya therakotha e emetse bonono ba ditshwantsho, bonono ba matsoho, bonono ba kalaneng le tshwantshiso.
2. Moropa wa Aforika – o sebediswa ke ditjhaba kaofela o bile o emetse le bonono, o boela o emela neo e babatsehang ketekong ya dikgokahano le botjhaba.
3. Moqhaka/letsatsi – moqhaka o emetse tlokola e rwalwang ke dibapadi tsa kalaneng, ba boreneng le maaperelwa dikobo. Mahlasedi a letsatsi, a bontshang matla, tlotlo, kganya le mafolofolo, a emetse dikatleho tse fihletsweng ke banono makaleng a fapaneng.
4. Bokahare ba kgare kapa meedi – (tlotlo dipapading) – di emela kananelo ya dikatleho tse tswileng matsoho mesebetsing e fapaneng ya dipapadi le botjhaba.
5. Mebila – (phihlelo le katleho) – e bontsha mebila yohle e lebang Aforika, moo Moloko wa Batho o qadileng teng, e leng se toboketsang tsela e telele e thata ya phihlello, boqhetseke le katleho.