Le Mbasa kuwongwa ngayo abemi baseMzantsi Afrika abathe bagqwesa futhi batshatshela emisebenzini yabo.
Indlela ewongwa ngayo
Le Mbasa ingawongwa ngokweeNdidi ezintathu:
- Udidi 1 = IMbasa yePlatinam yeMapungubwe (iPlatinam)
- Udidi 2 = IMbasa yeGolide yeMapungubwe (iGolide)
- Udidi 3 = IMbasa yeBronzi yeMapungubwe (iBronzi).
Intsingiselo / Izinto eyenziwe ngazo
Umxholo oPhambili / Intsingiselo
EMapungubwe: Isizwe saseMapungubwe sasisemantla eli lizwe lethu kwisithuba seminyaka eliwaka eyadlulayo. Esi sizwe sasinolawulo olwaluqhutywe ngokwemithetho engqingqwa netsonkothileyo futhi sinabantu abangabalimi abaphume izandla.. Esi sizwe sasinecandelo lezemigodi nezimbiwa elalisebenza ngokufanayo nala ale mihla. Esi sizwe sasirhweba namazwe aphesheya kwezilwandle afana neChina. Ngethuba lisengumakhonya, abantu balo babe ngumzekelo wesizwe esikwaziyo ukusebenzisa amathambo entloko nokuhlakanipha kwengqondo.
Izinto eyenziwe ngazo
|
Imbasa yasentanyeni
Imbasa engumfanekiswana
Imbasa esisipeliti |
- Iikona ezine zomhlaba – zimeleo imisebenzi emihle eyenziwe ngabemi boMzantsi Afrika kwihlabathi jikelele.
- Ilanga eliphumayo – ixesha elitsha lokuvuka kwelizwekazi le-Afrika.
- Induli yaseMapungubwe - kuxonxwe phezu kwayo, iyinduli eyenziwe lilitye elinkuphu-nkuphu lesanti eme phezu kwelitye lodaka kummandla oyinkqantosi enemozulu engabandi futhi ingatshisi kuyaphi oneemvula zehlobo ezinetha ukuthanda kwazo. Ubungqina obuvela kwizinto ezembiwa kule ndawo bubonisa ukuba abantu besi sizwe babekwazi ukwenza izinto ezigqibeleleyo nangona iimeko zona zazinzimao.
- Umkhombe waseMapungubwe – owona msebenzi wobugcisa udume kakhulu owafunyanwa kwingcwaba elikule ndawo kwakusembiwa kuyo, umfanekiswano oqingqwe ngegolide ngaphakathi owenziwe ngomthi, ububungqina bokubalasela kwezakhono zabantu besi Sizwe.
- Iintonga zewonga zaseMapungubwe – zime ngokungathi zixhage macala imbiza yokunyibilikisa igolide; ezi ntonga zezinye zezinto ezafunyanwa engcwabeni kule ndawo kwakusembiwa kuyo.
- Imbiza ehonjisiweyo yokunyibilikisa igolide – ukufana twatse kumacala omabini ale mbiza yokunyibilikisa igolide ephuphumayo, kubonakalisa ukubalasela okugqithisileyo,inzululwazi nobuchule, ubungqina izakhono ezikwididi eliphezulu kwinzululwazi yezimbiwa.
- Iziko lesinyithi - iimpawu zomlilo ezihlambululayo neziphilisayo owaqala ukusetyenziswa mandulo ngethuba abantu beqala ukusebenzisa intsimbi ngeenjongo zokuzisa inkqubela-phambili, uphuhliso nokubalasela kwizizwe nabantu balo maxesha.
