Le Mbasa kuwongwa ngayo abemi baseMzantsi Afrika abagqwesileyo kwezobugcisa, ezenkcubeko, ezoncwadi, ezomculo, ezobuntatheli kunye nezemidlalo.
Indlela ewongwa ngayo
Le Mbasa ingawongwa ngokwendidi ezintathu:
- Udidi 1 = IGolide
- Udidi 2 = ISilivere
- Udidi 3 = IBronzi.
Intsingiselo/Izinto eyenziwe ngazo
Umxholo ophambili /Intsingiselo
Umthi i-Ikhamanga umele ubuhle bemisebenzi eyimpumelelo ebalaseleyo yamadoda namanina athe aqaqambisa uMzantsi Afrika kumacandelo afana nobuchule bokuyila nokuqamba, ubugcisa, inkcubeko, umculo, ubuntatheli nemidlalo.
Izinto eyenziwe ngazo
|
Imbasa yasentanyeni |
|
|
Imbasa esisipeliti |
Imbasa eliqhosha |
- Iintloko zaseLydenburg – (ubugcisa) – intloko yomdongwe obumvu imele ubugcisa obukwiqondo eliphezulu obubukelwayo, imidlalo yobugcisa nedrama.
- Igubu lase-Afrika – lisetyenziswa zizizwe ezininzi zase-Afrika kwaye limele ubugcisa, nesakhono esigqibeleleyo kwezonxibelelwano nokuhlonipha inkcubeko.
- Isacholo/ilanga – isithsaba simele isidlokolo esithwalwa ngabadlali beqonga/abaculi, ngabantwana begazi kunye nezikhakhamela. Imitha yelanga, echaza amandla, uzuko, ukhanyo, nempilo entle imele impumelelo yamagcisa kwiinkalo ezahlukeneyo.
- Izangqa zangaphakathi ezimbhoxo nemida – (ukuzukiswa kwimidlalo) – zibonisa ukuhlonitshwa kwemisebenzi egqwesileyo kwiintlobo ezahlukeneyo zemidlalo nenkcubeko
- Iindlela – (umsebenzi omhle nempumelelo )– zibonakalisa zonke iindlela ezisingise e-Afrika nakwiziko ekwabhaqwa kulo amathambo abantu bokuqala, i-Cradle of Humankind, , egxininisa iindlela ende, enzima, eya empumelelweni, nakwimpumelelo ebalaseleyo
