Kha vha ite khumbelo ya mushumo kha Tshumelo ya Tshitshavha

Zwikhala kha mihasho ya muvhuso wa vhukati na wa vunḓu zwi ḓadziwa nga u galatsha vhashumi vha shumaho kana nga u ramba vhahumbeli vha mushumo vha sa shumiho kha Tshumelo ya Tshitshavha. Zwikhala kha vhuimo ha nṱha sa tshumelo ya vhulanguli ha nṱha, zwi tea u anḓadzwa shango ḽothe u itela u galatsha ngomu na nnḓa ha Tshumelo ya Tshitshavha.  

Ngauri ndi mulayo, zwikhala zwoṱhe zwi anḓadzwa kha Nyanḓadzo  ya Tshumelo ya Zwikhala ya Tshitshavha  ine ya dzudzanyiwa  na u bvisiwa nga Muhasho wa Tshumelo ya Tshitshavha  na Ndaulo  (DPSA). 

Nyanḓadzo ya Tshumelo ya Zwikhala  ya Tshitshavha i ḓivhadza vhashumi vha muvhuso nga ha zwikhala zwi re hone kha Tshumelo ya Tshitshavha. Vhathu vhane vha sa vhe vhashumi vha Tshumelo ya Tshitshavha fhedzi vha tshi tama u ita khumbelo vha tea u thoma vha wanulusisa u bva kha muhasho wo itaho khunguwedzo arali vha tshi nga ita khumbelo. Zwidodombedzwa zwa uri vha nga kwamana hani na muhasho wo itaho khunguwedzo zwi a ṋetshedzwa kha yeneyo Nyanḓadzo.     

Miṅwe mihasho sa wa Vhupileli u nga vha humbela u ita ndingo dza zwa malwadze vha saathu sedza khumbelo yavho.     

Zwine vha tea u ita 

1. Kha vha dauṋuḽoude vha ḓadze Fomo ya Z83 (Khumbelo ya Mushumo). Vha nga kha ḓi wana na fomo kha muhasho muṅwe na muṅwe wa vhukati kana wa vunḓu
2. Kha vha dzhenise Ḽiamba vhune (CV). Muhasho u nga kha ḓi vha humbela u dzhenisa na khophi dzo khwaṱhisedzwaho dza ndalukanyo dza pfunzo, ḽiṅwalo ḽa vhuṋe na zwiṅwe zwidodombedzwa zwavho. Vha humbelwa u vhala khunguwedzo nga vhuronwane u itela uri vha vhone uri vha tea u rumela mini.  
3. Kha vha rumele fomo yavho ya Z83 yo ḓadzwaho ya fhelela na maṅwalo oṱhe ane a ṱoḓea kha ḓiresi yo ṋetshedzwaho kha khunguwedzo.       
4. Vha nga kha ḓi wana phindulo ya u sumbedza uri khumbelo yo wanala, zwi tshi bva kha maitele o tevhelwaho nga muhasho wonoyo. 

Zwi dzhia tshifhinga tshingafhani

Zwa maitele a u galatsha na u nanga zwi a fhambana u ya nga mihasho, fhedzi tshipikwa ndi u fhedza aya maitele nga u ṱavhanya nga hune zwa konadzea ngaho.