Sicelo sekutfumela ngaphandle emakhemikhali

Ngesi sicelo sekutfumela ngaphandle emakhemikhali

Uma ufuna kutfumela ngaphandle emakhemikhali latsite, udzinga imvumo lephuma kuKhomishini Yekuphatsa Kuhwebelana Nemhlaba Jikelele (i-ITAC).

Emakhemikhali alawulelwa kutsi ahambisane nemibandzela ye-Montreal Protocol kanye ne-1988 United Nations Convention Against Illicit Traffic kutiDzakamiva kanye naleminye imitsi. Lena mitamo yemhlaba jikelele yekuvikela umkhatsi kanye nekulwa nekukhicitwa kwetidzamiva emhlabeni jikelele kanye nekutsengiswa kwato.

Uma ufaka sicelo sekutfunyelwa ngaphandle kwalamakhemikhali, kumele utfole incwadzi yekunconotwa lephuma emaphoyiseni aseNingizimu Afrika (i-SAPS) nobe lephuma kuLitiko Letesimondzawo (i-DEA), sekutawuya ngalekhemikhali lofuna kuyitfumela ngaphandle.

Yini lekumele uyente

1. Yani ku-ITAC nobe utfole lifomu lelifanele.
2. Gcwalisa emafomu esicelo.
3. Faka loku lokulandzelako:
   • ikhophi yesitifiketi se-VAT sakho
   • ikhophi lecinisekisiwe yamatisi wakho uma ngabe ungenaso sitifiketi se-vat
   • incwadzi yekunconotwa lephuma ku-SAPS nobe
   • incwadzi yekunconotwa lephuma ku-DEA uma emakhemikhali afakiwe ku-Montreal Protocol.

Sikhatsi semsebenti

Kungatsatsa emalanga ekusebenta lasihlanu kusebenta ngesicelo sakho semvumo yekutfumela ngaphandle.

Ngabe kubita malini

Lolusito lwamahhala.

Emafomu lagcwaliswako

Sicelo semvumo yekutfumela ngaphandle: timphahla letetayelekile (Application for export permit: general goods)

Ngubani longamutsintsa