Isibawo sokuthumela amakhemikhali ngaphandle

Okuphathelene isibawo sokuthumela amakhemikhali ngaphandle

Nangabe ufuna ukuthumela ngaphandle amanye wamakhemikhali, ufanele uthole imvumo evela kuKhomitjhana yokuLawula ukuThengiselana kweenTjhabatjhaba (International Trade Administration Commission ) i-ITAC.

Amakhemikhali alawulwa ngokukhambisana nemibandela ye- Montreal Protocol kanye nokukhukhuthiswa kweendakamizwa kuka- 1988 United Nations Convention Against Illicit Traffic in Narcotic Drugs and Psychotropic substances). Lokhu kumizamo yeentjhabatjhaba yokuvikela ilarha ye-ozoni nokulawulwa kokukhiqizwa kweendakamizwa nokusebenza ngazo.

Nasewenza isibawo sokuthumela ngaphandle kwalamakhemikhali, kumele uthole incwadi yesiphakamiso emapholiseni we Sewula Afrika i-SAPS namkha evela kumNyango wezoBhoduluko kodwana kuya ngokuthi mhlobo bani wamakhemikhali ofuna ukuwuthumela ngaphandle.

Okufanele ukwenze

1. Iya kwa-ITAC namkha ungakhipha iforomo lesibawo kuwebhsayidi yabo.
2. Zalisa amaforomo wesibawo.
3. Ungaletha lokhu okulandelako:
   • ikhophi yesitifiketi somthelo
   • ikhophi eqinisekisiweko kamazisi nangabe awukaphathi isitifiketi somthelo
   • incwadi yesiphakamiso evela kwa-SAPS namkha
   • incwadi yesiphakamiso evela kumNyango wezeBhoduluko nangabe amakhemikhali arheliswe ku- Montreal Protocol.

Isikhathi esibekiweko

Kungathatha amalanga amahlanu ukudlulisa isibawo sakho sokuthumela ngaphandle.

Kubiza malini

Umsebenzi lo uwenzelwa simahla.

Amaforomo ekufanele uwazalise

Isibawo sephemithi yokuthumela ngaphandle: ipahla ejayelekileko (Application for export permit: general goods)

Ungathintana nobani