1. Maemo a Kabinete ka ga merero ye e lego ditabeng ka seemong sa bjale
1.1. Kabinete e amogetše thakgolo ya setšhaba ya kgatišo ya botshelela ya Ditaetši tša Tlhabollo ka Tona ya Tlhokomelo le Tekolo ya Phethotiro ka Kantorong ya Bopresidente.Ge setšhaba se itokišetša go keteka Mengwaga ye 20 ya Tokologo, maAfrika Borwa a swanela go ikgantšha ka gore bophelo bo kaonafetše go tloga ka 1994.
Ditaetši di laetša kaonafalo ka makaleng a bohlokwa gomme sammaletee di šupa mošomo wo boima wo sa nyakegago go šogana le tše dingwe tša ditlhohlo tša rena tše di tšwelago pele le go feta. Mme ditaetši di hlohleletša poledišano ka ga ditlhohlo tše naga ya rena e lebanego natšo ebile di šoma bjalo ka dikago bapa le leeto la rena la kgatelopele ya ekonomi le leago.
1.2. Kabinete e lebogile 41% (115) ya mebasepala yeo e amogetšego dipego tša go kgotsofatša tša matlotlo go ditekolo tša dipuku tša matlotlo tša 2011/2012. Gape go dumelwa gore go bile le kaonafalo mebasepaleng ye 21 yeo peleng e amogetšego dipego tsa go se kgotsofatšemo ngwageng wa go feta.
Kabinete e leboga mošomo wa go dirwa ke Kantoro ya Mohlakišipharephare ka go thuša mebasepla go kaonafala go dinyakwa tša kobamelo ya pušo. Gape e dumetše gore go bile le boineelo bjo bo dirilwego ke boetapele bja mebasepala bja go tšwela pele go le go kaonafatša dintlhatšeodi hlaotšwego ke Kantoro ya Mohlakišipharephare.
1.3 Kabinete e lebogile maAfrika Borwa ka moka ka thekgo ya bona ya Letšatši la Setšo le Dipapadi la Nelson Mandela leo le ketekilwego go thuša protšeke ya Sepetlela sa Bana sa Nelson Mandela. MaAfrika Borwa a hlohleletšwa go tšwela pele go šomela ditšhaba le go šomišana le mmušo go kaonafatša maphelo a badudi le go phethagatša dikgopolo tše Madiba a gafetšego bophelo bja gagwe go tšona.
1.4 Kabinete e tsebišitšwe ka ketelo ye e tlago ya Mopresidente Jacob Zuma go ya Repabliki ya Rašia. O tla be a tsenetše Samiti ya Sehlopha sa 20 (G20) go la St Petersburg ka la 5 le 6 Lewedi 2013 bjalo ka karolo ya go godiša dikgahlego tša Afrika Borwa tša ekonomi le tša dipolotiki.
Afrika Borwa e tšwela pele go thekgalenanethero la tlhabollo la G20 leo le tšwetšago pele go šoma botse ga ekonomi lefaseng ka bophara le kgolo ya go swarelela ya paka ye telele le tlholo ya mešomo.
1.5 Kabinete e tumišitše kopano ya mathomo yaLekgotla la Kgwebo la Brazil, Russia, India, China le Afrika Borwa (BRICS),le le dirilego gore baetapele ba kgwebo go tšwa dinageng tše gore ba kopane mo Afrika Borwa. Kopano gape e be e tsenetšwe ke baetapele ba kgwebo ba ba atlegilego go tšwa dinageng tše dingwe tše 19 tša Afrika.
1.6 Kabinete e amogetše tiišeletšoye e filwego go Foramo ya bo12 ya ngwaga ka ngwaga ya Kgolo ya Afrika le Kgato ya Monyetla (AGOA) go mpshafatša AGOA pele e fihla bofelong ka2015. AGOA e tšwetše bobedi kontinente ya Amerika le ya Afrika mohola gomme e gateletše tšhomišano ya kgwebo ye e lekantšwego ya kamano ebile e gola gare ga Afrika Borwa le Amerika.
Afrika Borwa e dumela gore AGOA e aba tlhako ya maleba go aga tšhomišano ya kgwebo ya kholo ka tšhomišano le dikamano tša peeletšo le go tiišetša tšhomišano gare ga Amerika le kontinente ya Afrika ka bophara.
1.7 Bjalo ka karolo ya moketeko wa naga ka bophara wa Kgwedi ya Basadi, MotlatšamopresidenteKgalema Motlanthe ka Labohlano, 23 Phato 2013 o tla etela motse wa Gombani ka Masepaleng waMutale, Limpopo, go fa setšhaba dintlo.Basadi ba Gombani ba kgathile tema ka mafolofolo kagong ya dintlo tše.
1.8 Tona ya Boeti le yena o tla thakgola Kgwedi ya Boeti ka la 28 Phato 2013 go la Amanzingwe Lodge, Hartebeespoort, ka fase gahlogotaba ye: “Meetse
ke lethabo.”
Bjalo ka karolo ya mediro ya kgwedi, Pontšho ya Mešomo ya Bosetšhaba ya Boeti e tla swarelwa Senthareng ya Dikhonferentshe ya Boditšhabatšhaba go la East London gare ga 19 le 21 Lewedi 2013 go laetša dibaka tša mešomo ka lekaleng le le golago leo le šetšego le thwala maAfrika Borwa a go feta seripa sa milione.
1.9 Kabinete e tsebišitšwe gore Tona ya Tlhabollo ya Dinagamagae le Peakanyoleswa ya Nagao tla fa bengdintlo ba District Six dintlo tše 70 semmušo, ka Mokibelo, 24 Phato 2013. Se ke karolo ya maiteko a go lokiša diphosotša Molao wa Naga ya Bathobaso wa 1913 woo o tlogetšego diketekete tša bathobaso ba se na magae le naga.
1.10 Kabinete gape e boledišane ka ditaba tša go tšwa go Lekgotla la Kabinete leo le swerwego ka la 13-15 Phato, 2013. Tona Rob Davies o gona mo go bega ka ga diphetho tša Kabinete mabapi le se.
Dipotšišo:
Phumla Williams (Seboleledi sa Kabinete sa Motšwaoswere)
Mogala: 0835010139
