Ukufaka isicelo selungelo lokuvukuza emayini

Uma ufuna ilungelo lokuvukuza, udinga imvume evela kuMnyango wezokuMbiwa Phansi yokuvukuza izimbiwa phansi endaweni ethile.

Ilungelo lokuvukuza akufanele leqe isikhathi seminyaka engama-30.

Ilungelo lokuvukuza liyanikezwa uma:

• isimbiwa phansi leso singambiwa ngokuphelele
• unezimali nekhono lokwenza umsebenzi wokuvukuza lowo ngako konke okusemandleni
• uhlelo lwezimali luyahambisana nomsebenzi wokuvukuza kanye nesikhathi esinqunyiwe
• akukho kungcoliswa noma ukulinyazwa kwemvelo okungavumelekile okuzodalwa ukwenziwa komsebenzi wokuvukuza
• uhlinzekiwe ngezimali nokunye okudingekayo ukuze uqhube umsebenzi wokuvukuza kanye nezinye izinhlelo ezibekiwe maqondana nomphakathi nabasebenzi
• aweqi uMthetho Wokuthuthukiswa Kwezinsiza zezokuMbiwa Phansi, Nephethroliyamu wezi- 2002 (Umthetho wama-28 wangowezi-2002) (i-MPRDA)
• umsebenzi uyahambisana Nosomqulu Wezokuvukuza.

Okumele ukwenze

1. Faka isicelo ku-inthanethi.
2. Khokha isamba leso esingabuyiswa ku-inthanethi.
3. Uma isicelo sakho samukelwe, uzokwaziswa ukuba ulethe ipulani osophe ukulawula ngalo ukuphathwa kwendawo ukuze ligunyazwe.
4. Yazisa uphinde uxoxisane nabo bonke abantu abathintekayo nabazothikamezeka ezinsukwini eziyi-180 kusukela ngosuku lwesaziso.

Kuthatha isikhathi esingakanani

• Uma isicelo sakho sihlangabezana nazo zonke izidingo ezibekiwe imenenja yesizinda izokuthumelela isaziso esibhaliwe ezinsukwini eziyi-14 zokwamukelwa kwesicelo uma sigunyaziwe. Imenenja yesizinda izokuyalela ukuba ubonisane nomnikazi mhlaba, ohlezi kuwo kanye nazo zonke izingxenye ezithintekayo nezithikamezekayo.
• Uma isicelo singaphumelelanga imenenja yesizinda izokubuyisela isicelo esikhathini sezinsuku eziyi-14.
• Uma uNgqongqoshe enqaba ukugunyaza ilungelo lokuvukuza, uzobhalelwa waziswe kungakapheli izinsuku ezingama-30, unikezwa izizathu zokunqaba.

Kubiza malini

Maleyana nezindleko, thintana noMnyango Wezokumbiwa Phansi.

Amafomu okufanele agcwaliswe

Izicelo kufanele zilethwe ku-inthanethi.

Kuthintwe bani