Arali vha wana luṅwalo lwa vhufhura lu vha vhudzaho uri vha badele na ha vhukhuruku ha lottery vha tea u isa maṅwalo ayo na phindulo dzoṱhe kha Interpol.
Interpol i ḓo davhidzana na Yunithi ya Vhugevhenga ha Khomeshiaḽa ha Mapholisa a Afurika Tshipembe ngaha mafhungo oṱhe a kwamaho vhukhuruku.
Zwidodombedzwa zwa vhukwamani zwa Interpol ndi zwi tevhelaho:
Nomboro ya Luṱingo: (+27) 12 309 3866
Nomboro ya Fekisi: (+27) 12 309 3003/4
Imeiḽi: vdventera@saps.org.za
Vhufhura uvhu vhu ḓivhiwa sa vhukhuruku ha ‘419’ na uri vhu itwa nga matswotswi, nga mannḓa muraḓo wa tshigwada tsha vhutshinyi. Vhukhuruku uvhu ho thoma Nigeria fhedzi zwigwada zwa kha mashango maṅwe zwo no dzhenelela kha vhufhura ha vhukhuruku ha u bvisisa vhathu dzimbadelo. Kanzhi vhu itwa nga kha Iuṅwalo, i-meiḽi kana SMS vhu na khungedzelo ya bindu hune mupondwa a vha atshi khou humbelwa uri a dzhenise tshelede kha akhaunthu ya bannga.
Vhukhuruku ha lottery vhu kwama imeiḽi kana SMS hune mupondwa a vhudzwa upfi o wina lottery.
Kha vha wane zwinzhi ngaha u vhiga vhukhuruku ha vhufhura ha maṅwalo ane vha tea u thoma nga u badela na vhukhuruku ha lottery.
