Khumbelo ya u ṅwalisa mavu a u fuwa ṋari

Ngaha na u ita khumbelo ya u fuwa ṋari bulasini yavho

Arali vha tshi ṱoḓa u fuwa ṋari bulasini yavho, vha fanela u ḓiṅwalisa Mulangi wa Lushaka wa Mutakalo wa Phukha. Vha kwame muhasho wa Vhulimi wa vundu vha humbele u vhonana na Vhulafhazwifuwo wa Muvhuso wa vhupo vhune vha dzula khaho. Mulafhazwifuwo wa Muvhuso wapo u ḓo ingamela bulasi yavho uri a wanuluse arali zwo tea u fuwa ṋari kha bulasi yavho. Mulafhazwifuwo u ḓo kona u rumela mawanwa awe na themendelo kha Vha Maanḓalanga vha Vhulondolamupo vha Vundu uri vha wane thendelo.

Arali thendelo yo ṱanganedzwa, Vha Maanḓalanga vha Vhulondolamupo vha Vundu vha ḓo kona u rumela khumbelo yavho kha Ofisi ya Vhulafhazwifuwo ya Vundu uri vha i rumele kha Muhasho wa Vhulimi vha Pretoria. Muhasho u ḓo ṅwalisa bulasi yavho kha databeisi a vha fha ṱhanziela ya u fuwa ṋari.

Zwine vha tea u ita

Uri khumbelo yavho u tendelwe, bulasi yavho i fanela u dzharaṱelwa u ya nga maitele a tevhelaho.
- Luhura lwavho lu fanela u vha lu na muḓagasi nga matungo hu na ḓaraṱa mbili dzi re na muḓagasi, arali hu kha vhupo vhu re na Vhulwadze ha Khwaḓa na Mulomo (Mpumalanga, Kwazulu-Natala na Limpopo). Vhunṱha ha luhura lwavho vhu fanela u vha 600 mm na 1,200 mm u ya nṱha. Voḽiti dza muḓagasi dzi fanela u vha zwigidi zwiṱanu.
Luhura lwavho lu fanela u vha mithara miṱhanu u bva hune ha dzula nḓou, arali hu si fhethu hu re na Vhulwadze ha Khwaṱha na Mulomo.
Vha kwame muhasho wa Vhulimi wa vundu vha humbele u vhonana na Vhulafhazwifuwo wa Muvhuso wa vhupo vhune vha dzula khaho.
Vha bvis fomo ya Khumbelo ya u ṋwalisa mavu a u fuwa ṋari nga fhasi ha fomo dzine dza fanela u ḓadziwa vha i ḓadze.
Vha fanela u ḓadza fhedzi u bva kha tshipiḓa tsha u thoma u ya kha tsha malo kha fomo.
Mulafhazwifuwo wa Muvhuso na Vha Maanḓalanga a Vhulondolamupo vha Vundu vha ḓo ḓadza zwipiḓa zwo salaho.
Vha fanela u sumbedza lushaka lwa ṋari ine vha khou ṱoḓa u i fuwa kha fomo.