Tiyisisa mibumabumelo eka Nhlayisa-switiviwa ya Mapapila ya Vadyondzi ya Rixaka

U nga tiyisisa mibumabumelo ya tidyondzo ta wena eka Nhlayisa-switiviwa ya Mapapila ya Vadyondzi ya Rixaka (NLRD) hi Nsecho wa Veri wa SAQA eka Vulawuri bya Mibumabumelo ya Afrika Dzonga (SAQA). Loko u ri muthori, u nga tiyisisa mibumabumelo ya vatirhi va wena eka nhlayisa-switiviwa. Loko u lava ku languta vuxokoxoko bya wena n’winyi, u ta kuma papila hi ntalo ra leswi NLRD yi nga ku khomela swona hi wena. 

Loko van’wana va tiyisisa vuxokoxoko bya wena tani hi mudyondzi, va fanele ku nyika xivutiso hi ku kongoma (bumabumelo wihi, xikolo xihi na siku). Nhlamulo ya SAQA ku ta va “ wu kumekile” kumbe “e-e” ku ya hi leswi nga vutisiwa ntsena.