Hofisi ya Vun’winyi bya misava yi tirhana na ntsariso, vufambisi na lunghiso wa ntsariso wa nhundzu wa Afrika Dzonga. Yi hlayisa na tikhopi ta mintwanano ya vukati.
U nga kuma vuxokoxoko eka ntsariso wa vun’winyi bya misava eka leswi landzelaka:
- n’winyi wa muako loyi a nga tsarisiwa
- swiyimo leswi khumbhaka muako wolowo
- mialelo kumbe tikondiraka leti fambisanaka na muako
- mali leyi muako wu nga xaviwa hi yona
- milawu ya xiphemu xa vun’winyi eka xikimi
- khopi ya ntwanano wa vukati (ANC), ku va ehansi ka munhu wun’wana, tibondo ta tinhundzu, na swo tala.
- khopi ya pulani ya xiphemu xa vun’winyi eka xikimi kumbe milawu ya Xiphemu.
Loko u nga se kuma vuxokoxoko, u nga lunghisa leswi landzelaka:
- Mavito hi ntalo na/kumbe nomboro ya pasi ya n’winyi wa muako, kumbe siku ra ku velekiwa ka yena. (Loko ku ri munhu wa nawu, vito na na nomboro ya ntsariso, loko swi ri kona, swi fanerile).
- Nomboro leyi lulameke ya xitandi na doroba kumbe vito ra purasi na nomboro ya rona, a ku laveki kherefu ya xitarata. (loko ku ve i mhaka ya xiphemu xa vun’winyi eka xikimi, xiphemu na vito ra xikimi swa laveka).
Ku kuma khopi ya vun’winyi kumbe papila ra ntsariso wa vun’winyi bya misava, u fanele:
- ku ya eka hofisi yin’wana na yin’wana ya vun’winyi (ntsariso wa vun’winyi bya misava swa endleka wu nga nyiki vuxokoxoko hi ku lerisiwa hi papila kumbe kumbe hi riqingho)
- famba eka tafula ra vuxokoxoko laha mutirhi a nga ta ku pfuna ku tata fomo leyi lavekaka no hlamusela maendlele
- kombela ku secha muako, na
- ku hakela mali leyi lavekaka ehofisini ya muhakerisi. Nomboro ya rhasiti yi ta vekeriwa eka khopi ya wena vun’winyi.
Vuxokoxoko byi nga kumeka hi ndlela ya xitironiki eka webusayiti ya ntsariso wa vun’winyi.
Ku kuma vuxokoxoko byo tala hi ntsariso wa vun’winyi bya misava bela riqingho eka 0800 007 095 kumbe u endzela Hofisi ya Ntsariso wa vun’winyi ya le kusuhi na wena.
