Xikombelo xa ku nghenisa etikweni kumbe ku hundzisa etikweni ra Afrika Dzonga nyama ya furexe

Hi ku endla xikombelo xo rhumela nyamba yimbisi laha tikweni ku katsa swa le ndzeni) na ku swi tleketla etikweni ra Afrika Dzonga hi ku angarhela

Loko u lava ku rhumela laha tikweni nyama yimbisi yo tenga (ku katsa swa le ndzeni) eRiphabliki ra Afrika Dzonga, kumbe ku fambisa nyama yeleyo hi ku yi tleketla eAfrika Dzonga hi ku angarhela, swinawana swi lava leswaku u endla xikombelo xo nyikiwa mpfumelelo wo rhumela laha tikweni vutshunguri bya swiharhi kumbe mpfumelelo wo tleketla ku suka eka Hofisi ya Rihanyo ra Swiharhi. U fanele ku kuma mpfumelelo lowu ndzhwalo wu nga si famba ku rhumeriwa etikweni ra le handle.

Mulawuri wa Rihanyo ra Swiharhi wa Afrika Dzonga u ta humesa ntsena mimpfumelelo yo rhumela ya vutshunguri bya swiharhi na yo tleketla nyama yimbisi ematikweni laha a hleleke no pasisa vukorhokeri bya vutshunguri bya swiharhi na swiyimo swa rihanyo ra swiharhi. (Marungula ya kumeka ku suka eka ElmarieV@daff.gov.za , Riq. 012 319 7700 kumbe Fekisi 012 329 6892).

Kuna mafambiselo yo hambana yo rhumela laha tikweni laya nga kona hi ku landza swimakiwa na xiyimo xa rihanyo ra swiharhi ematikweni ha rin’we. Tanihi leswi swilaveko swa rihanyo swi cincaka nkarhi na nkarhi, tihlanganisi na Hofisi ya Rihanyo ra Swiharhi (Riq: 012 319 7420 /7524 /7700, Fekisi 012 329 6892) ku kuma swilaveko swa sweswi Mimpfumelelo yo rhumela laha tikweni ya vutshunguri bya swiharhi yi tirha eka nkarhi lowu pimiweke naswona eka nhundzu yin’we ntsena.

Ku rhumela laha tikweni hi ku tirhisa tiko ra vunharhu a swi amukeriwi.

I vutihlamuleri bya wena tanihi murhumeri ku hlaya no landzelela swipimelo swa mpfumelelo wo rhumela laha tikweni wa vutshunguri bya swiharhi.

Hi ku landza Nawu wa Vuhlayiseki bya Nyama, 2000 (Nawu wa 40 wa 2000) nyama leyi gwitsirisiweke na ya huku yi nga rhumeriwa laha tikweni ku suka laha ku dlayiwaka swifuwo, tindhawu to tsemela no lulamisela leti pasisiweke hi Muofisiri Nkulu wa Rixaka wa Afrika Dzonga (National Executive Officer of South Africa).

Nxaxamelo wa tindhawu wu nga kumeka laha kumbe u bela riqingho eka 012 319 7700 kumbe fekisela xikombelo eka 012 329 6892.

Tikhontheni ta nyama ku suka ematikweni ya le handle hi ku tirhisa ndlela ya le lwandle hi tikhontheni. Ku hava tikhontheni to tala ti nga amukeriwaka. Nyama yo tenga yimbisi yi nga rhumeriwa laha tikweni ntsena loko yi titimela kumbe yi gwitsiriwile eka mpimo lowu bohiweke hi mpfumelelo wo rhumela laha tikweni wa vutshunguri bya swiharhi.

Leswi u faneleke ku swi endla

Tata fomo ya xikombelo xo rhumela/tleketla nyama ku nghena/hi le Riphabliki ra Afrika Dzonga.
Loko swimakiwa swi tleketliwa hi le Riphabliki ra Afrika Dzonga, u fanele ku yisa khopi ya mpfumelelo wo rhumela laha tikweni wa vutshunguri bya swiharhi ku suka etikweni leri swi yaka kona na xikombelo xa mpfumelelo wo tleketla wa vutshunguri bya swiharhi wa Afrika Dzonga.
U fanele ku hakela mpfumelelo.
Dipozita ntsengo wa mpfumelelo eka akhawunti ya bangi ya Ndzawulo:
Vito ra bangi: Standard Bank of South Africa
Vito ra mukhomi wa akhawunti: National Department of Agriculture
Nomboro ya akhawunti: 011219556 International Band
Rhavi: 010845
IB brand 0001982 Centre Code
Swift Code: SBZA-ZAJJ
Vito ra rhavi: Arcadia
Laha u endlaka xikombelo hi ku yimela un’wana, vona leswaku u hakela u tirhisa vito ra munhu yoloye kumbe vito ra khamphani. Rheferense yi fanele kuva vito ra murhemeri na xivongo.
Tihakelo ti nga tlhela ti endliwa eka tihofisi ta Ndzawulo ya Vurimi, Swihlahla na Vuphasi bya tihlampfi leyi longoloxiweke ehansi ka vuxokoxoko bya vutihlanganisi.
U na vutihlamuleri bya tihakelo ta bangi xikan’we na tihakelo ta Bangi ya Matiko ya le handle; Ndzawulo a yi nge humesi mpfumelelo loko ntsengo hinkwawo wu nga hakeriwangi. (Pfuxeta lembe na lembe no kandziyisiwa eka Gazette ya Mfumo).
Cheke leyi hakeriwaka eka Director-General: Department of Agriculture, Forestry and Fisheries yi nga namarhetiwa eka fomo ya xikombelo kutani yi rhumeriwa eka.
Rhumela fomo leyi tatiweke na vumbhoni bya tihakelo eka:
The Director: Animal Health
Import Export Policy Unit
Private Bag X138
Pretoria
0001
South Africa
Ku hava xikombelo lexi nga humelerisiwaka ku ri hava vumbhoni bya tihakelo. Vumbhoni bya dipoziti byi fanele ku fekiseriwa eka: 012 329 8292 ku kongomana na: Ina Labuschagne.
Hlamusela eka fomo ya xikombelo loko mpfumelelo wu ta landziwa kumbe u rhumeriwa yona hi imeyili.
Endzhaku ko amukela fomo ya xikombelo na vumbhoni bya tihakelo, Mpfumelelo wo rhumela laha tikweni wa vutshunguri bya swiharhi na Xitifikheti xa Rihanyo ra Vutshunguri bya swiharhi xi ta humesiwa no rhumeriwa thwii.
U fanele ku kuma xitifikheti xa rihanyo ra vutshunguri bya swiharhi ku suka eka vulawuri bya vutshunguri bya swiharhi eka tik leri rhumeriwaka u nga si rhumela nhundzu. Xitifikheti lexi xa rihanyo xi fanele ku landzelela swipimelo leswi vekiweke mpfumelelo wo rhumela laha tikweni wa vutshunguri bya swiharhi wa Afrika Dzonga na tiko leri rhumeriwaka.
Loko u lava marungula wahi na wahi eka swilaveko leswi nga swona swa ximakiwa xo karhi xa swiharhi, u nga kuma tikhopi ta swikombiso swa mpfumelelo wo rhumela laha tikweni wa vutshunguri bya swiharhi na Xitifikheti xa Rihanyo xa Vutshunguri bya swiharhi ku suka eka Hofisi ya Mpfumelelo.
U fanele ku yisa leswi landzelaka eka Muofisiri wo Lawula ku Rhumela laha Afrika Dzonga eka Ndhawu yo Nghena hi yona:
1. Mpfumelelo xidzi wo rhumela laha tikweni wa vutshunguri bya swiharhi
2. Xitifikheti xidzi xa Rihanyo ra Vutshunguri bya swiharhi.
Tikhontheni hinkwato ta nyama ti fanele ku kamberiwa eka yin’we ya tindhawu leyi hlamuseriwaka hi mpfumelelo wo rhumela laha tikweni:
- Durban: Riq: 031 337 4346/7
- Cape Town: Riq: 021 551 2050
- City Deep (ntsena eka matiko akelano): Riq: 011 613 1636
- Port Elizabeth (leswi lulamisiweke eku sunguleni): Riq: 041 585 8907.

Leswi u faneleke ku swi endla

Loko dokodela wa swiharhi wa mfumo ehofisini ya Rixaka a pasisile ku rhumeriwa, swi teka masiku manharhu kuya eka ntlhanu ku humelerisa xikombelo no nyika mpfumelelo.