Wundla n’wana eka tiko leri nga hava ntwanano

Ku wundla n’wana eka tiko leri nga na ntwanano

Loko u ri muhlapfa u tsakela ku wundla n’wana wa laha Afrika Dzonga, kambe tiko ra ka n’wina ri nga sayinangi ntwananano wa Hague, u nga wundla hi ku tirhisa Vulawuri lebyi nga na Vutivi kumbe Vukorhokeri bya Vaaki bya Matiko (International Social Services) (ISS) etikweni leri u tshamaka eka rona.

Leswi u faneleke ku swi endla

1. Tihlanganisi na Vulawuri lebyi nga na Vuswikoti kumbe ISS etikweni leri u tshamaka eka rona.
2. Vulawuri lebyi nga na Vuswikoti kumbe ISS yi ta ku hundzisela eka nhlangano wo wundla wo pasisiwa etikweni laha u tshamaka kona ku hleriwa no kamberiwa loko u ringanerile ku wundla n’wana.
3. Loko nhlangano wo sirhelela wu kuma leswaku u ringanerile no fanela ku wundla, wu ta kondletela xiviko xo twisiseka xa dyondzo ya le kaya no xi rhumela eka Vulawuri bya le Xikarhi bya Dzonga wa Afrika (South African Central Authority) (SACA).
4. SACA yi ta rhumela xiviko eka nhlangano wo sirhelela n’wana lowu nga na ntwanano lowu tirhaka wo wundla na nhlangano wa matiko mambe ku langutisa n’wana loyi a nga kona kuva a wundliwa.
5. Loko ku ri na n’wana la nga wundliwaka, nhlangano wo sirhelela n’wana wu ta kondletela xiviko xo dyondza n’wana no xi hundzisela eka SACA ku pasisiwa eka ku wundliwa ka le xikarhi ka matiko (Xitsalwana xa 17).
6. Nhlangano wo sirhelela n’wana eAfrika Dzonga wu ta rhumela xiviko eka nhlangano wa matiko mambe ku fananisa n’wana na vatswari lava languteriweke.  
7. Loko wa ha tsakela ku wundla, Vulawuri bya le Xikarhi etikweni leri u humaka kona byi ta ku nyika Xitsalwana xa 17, xi ku nyika mpfumelelo wo wundla.
8. Xitsalwana xa 17 ku suka eka Vulawuri bya le Xikarhi bya tiko leri u humaka eka rona byi ta rhumeriwa eka nhlangano lowu pasisiweke wa vusirheleri bya vana eAfrika Dzonga. Nhlangano wo sirhelela n’wana wu ta ku lemukisa ku ya eAfrika Dzonga ku hetisa ku wundla na maphepha ya le khoto eka khoto ya vana.
9. Khoto yi ta hetisisa ku wundla na maphepha ya le khoto swi ta rhumeriwa eka SACA ku kamberiwa no tsarisiwa eka ku wundliwa.
10. Kutani SACA yi ta humesa Xitifikheti xo Tiyisisa.

Nhlangano wo wundla wa matiko mambe wu ta nyika vukorhokeri bya nhlayiso wa le ndzhaku ku ringana ntlhanu wa malembe.

Leswi u faneleke ku swi endla

Ya hambana ku suka eka mhangu yin’we kuya eka yin’wana.

Xana swi durha mali muni

U fanele ku hakela nhlangano wo sirheleli n’wana lowu pasisiweke hi ku landza ku wundla exikarhi ka matiko.

Tifomo leti tatiwaka

Tihlanganisi na Vulawuri bya le Xikarhi (Central Authority) etikweni laha u tshamaka kona.

Vuxokoxoko bya vutihlanganisi

Tihlanganisi na Vulawuri bya le Xikarhi (Central Authority) etikweni laha u tshamaka kona.

Nongonoko wa Vuhlanganisi bya xifundzankulu eka Ndzawulo ya Nhluvukiso wa Vangu