Ngesi
Yini lekumele uyente
Sikhatsi semsebenti
Ngabe kubita malini
Emafomu lagcwaliswako
Ngubani longamutsintsa
Mayelana nekufaka umntfwana waseNingizimu Afrika esiswini nawuseveni lelingekho eSivumelwaneni
Nangabe ungumchamuki ufuna kufaka esiswini umntfwana waseNingizimu Afrika, kodvwa live lakho alimange lisisayine Sivumelwane saHague, ungamfaka esiswini ngekutsi usebentise umtimba loneligunya lekwenta loko nome ngekusebentisa Inhlangano Yemave Emhlaba Yetinsita Tetenhlalalakahle (i-ISS) kulelo live lohlala kulo.
Lekumele kutsi ukwente
- Tsintsa umtimba loneligunya lekwenta loko nome i-ISS kulelo live lohlala kulo.
- Lomtimba loneligunya lekwenta loko nome i-ISS itawubese-ke yona ikwendlulisela enhlanganweni levumelekile yekusita ngekufaka umntfwana esiswini leseveni lakho kute ikuhlole futsi ikucubungule kute itfole kutsi ngabe ukufanele yini kutsi ufake umntfwana esiswini.
- Nangabe leyo nhlangano yekusita kufaka umntfwana esiswini ikutfola kutsi ufanele futsi ukulungele kutsi ufake umntfwana esiswini, itawubhala umbiko ngalelikhaya lakho iwutfumele kuMtimba waseNingizimu Afrika Lomkhulu Wekugunyata (i-Saca).
- I-Saca yona itawutfumela lombiko enhlanganweni levikela bantfwana lenesivumelwane sekusebentisana nale-ejensi yakulelinye live mayelena nekufaka umntfwana esiswini live kutsi ifune umntfwana lokhona longafakwa esiswini.
- Nangabe ukhona umntfwana longafakwa esiswini, lenhlangano levikela bantfwana itawubhala umbiko ngalomntfwana bese iwutfumela ku-Saca kute ikuvume lokufakwa kwalomntfwana esiswini emkhatsini wemave lamabili (i-Athikili ye-17 yeSivumelwane saHague)
- Lenhlangano levikela bantfwana itawutfumela lombiko ku-ejensi yaleli lelinye live kute itfole kutsi kukhona kufanelana yini emkhatsini walomntfwana nalabatali labafuna kumfaka esiswini.
- Nangabe solo usanenshisekelo kutsi umfake esiswini lomntfwana, lomtimba logunyatwe kutsi wente loko kulelo live lohlala kulo nome i-ISS itakunika imvume kutsi lomntfwana umfake esiswini.
- Lemvume lebuya emtimbeni logunyatwe kwenta loko waseveni lakho nome i-ISS itawutfunyelwa enhlanganweni levumelekile yekuvikela bantfwana. I-ejensi lesebenta ngekufakwa kwebantfwana esiswini lapha eNingizimu Afrika itakwatisa kutsi ufike lapha eNingizimu Afrika kute kutewuphetfwa lokufakwa kwalomntfwana esiswini enkantolo yebantfwana.
- Lenkantolo itawuphetsa lokufakwa esiswini kwalomntfwana bese kutsi emadokhumenti asenkantolo atfunyelwa ku-Saca kute acinisekiswe kanye nekutsi lokufakwa esiswini kwalomntfwana kubhaliswe.
- I-Saca itawubese-ke ikhipha Sitifiketi seKuvumeleka.
- I-ejensi lesebenta ngekufakwa kwebantfwana esiswini yaseveni lapho uhlala khona itawubese ikwesekela ngetinsita tekumnakekela emva kwaloko kute kube minyaka lesihlanu ikwenta loko.
Kutsatsa sikhatsi lesingakanani
Kuyehluka kuleyo nakuleyo ndzaba.
Kubita malini
Tindleko titawuya ngaleyo ejensi lesebenta ngekufaka bantfwana esiswini.
Emafomu lekumele kutsi agcwaliswe
Tsintsa umtimba loneligunya lekwenta loko nome i-ISS leseveni lapho uhlala khona.
Ngubani longamtsintsa
Tsintsa umtimba loneligunya lekwenta loko nome i-ISS leseveni lapho uhlala khona.
Luhlu lwemahhovisi longawatsintsa esifundza eLitiko Lekutfutfukiswa Kwetetenhlalakahle
